AShM qus tumaýy rastalmaǵan óńirlerdi atady

NUR-SULTAN. QazAqparat – Qazaqstanda qyrylǵan 588 myń taýyqtyń 329 myńy qus tumaýynan ólgen. QR AShM Veterınarlyq baqylaý jáne qadaǵalaý komıteti tóraǵasynyń mindetin atqarýshy Tursyn Qabdoldanov qalǵany – tabıǵı shyǵyn ekenin málim etti, dep habarlaıdy QazAqparat tilshisi.

«Biz búgingi kúni búkil respýblıka aýmaǵyndaǵy qustyń shyǵynyn túgendep otyrmyz. Halyq qazir bir qus ólip qalsa da habarlaıdy. Qyzylorda máselen 12 qus óldi. Ol týraly aqparat keldi. Biz báriniń synamasyn alyp, zerthanada tekseremiz. Zerthana aparǵan synamamyzdyń 50 paıyzynyń joǵarysy - qus tumaýyn anyqtamaıdy. Arasynda tabıǵı shyǵyn bolady», - dedi Tursyn Qabdoldanov OKQ-da ótken baspasóz máslıhatynda.

Onyń aıtýynsha Qazaqstanda osy ýaqytqa deıin qyrylǵan 588 myń taýyq kómilip, esepke alynǵan.

«Biraq onyń ishinde tek qus tumaýynan ólgenderi – 329 651 bas. Ár basynyń ózi anyqtalyp, solar úshin ǵana aqy tólenetinin habarlap otyrmyz», - dedi ol.

Al óz kezeginde Aýyl sharýashylyǵy vıtse-mınıstri Gúlmıra Isaeva Túrkistan oblysynda, Aqtóbe oblysynda, Shymkentte, Jambyl oblysynyń bir aýdanynda, Aqmola oblysynyń bir aýdanynda, Pavlodar oblysynyń bir aýdanynda, Qaraǵandy jáne SQO tórt eldimekeninde qus tumaýynyń rastalmaǵanyn jetkizdi.

Eske sala ketsek buǵan deıin Tursyn Qabdoldanov memleket qandaı jaǵdaıda qus tumaýynan qyrylǵan qustar boıynsha sharýa ıesiniń shyǵynyn ótep beretinin túsindirip bergen bolatyn.