AShM: Qazaqstandyqtar tutynatyn azyq-túliktiń 80 paıyzy — otandyq ónim
«Qazaqstandyqtardyń áleýmettik mańyzy bar azyq-túlik boıynsha kóbinese otandyq nemese sheteldik ónimdi tutynatyndyǵyn ımport jáne eksport balansy boıynsha anyqtaýǵa bolady. Esepteýler kórsetip otyrǵandaı, qazaqstandyqtar tutynatyn áleýmettik mańyzy bar azyq-túliktiń deni otandyq ónimder. Máselen, ótken jyldyń qorytyndysy boıynsha áleýmettik mańyzy bar 29 azyq-túlik túriniń 19-y túri óz elimizde óndirilgen. Bul otandastarymyzdy ishki ónimmen qamtýda 80 jáne odan da kóp paıyzdy qurap otyr», - delingen QR AShM-nyń resmı jaýabynda.
Mınıstrlik bergen málimet boıynsha áleýmettik mańyzy bar 11 ataýly azyq-túlik boıynsha Qazaqstan ózin 100 paıyz qamtyp otyr. Onyń qatarynda kartop, qııar, un, nan, kúrish, makaron, qaraqumyq jarmasy, sút, qoı eti, taýyq jumyrtqasy jáne tuz bar.
«Sonymen qatar 12 azyq-túlik ónimi boıynsha qamtamasyz etý 80% jáne odan joǵary kórsetkishki quraıdy. Atap aıtqanda sábiz, pııaz, qyryqqabat, qyzylsha, burysh, qyzanaq, kúnbaǵys maıy, ashyǵan sút ónimderi, sary maı, jylqy, sıyr jáne shoshqa eti», - deıdi vedomstvodan.
Odan bólek, QR Aýyl sharýashylyǵy mınıstrligi azyq-túlikpen qamtýda syrtqa táýeldi ekenimizdi de moıyndap otyr.
«Alty taýar boıynsha ımportqa táýeldimiz. Atap aıtqanda, alma (74%), qus eti (65,4%), shujyq ónimderi (56,4%), irimshik pen súzbe (56%), qant (43%) jáne balyq (66%)», - degen jaýap aldyq.