AShM: Qazaqstan oramjapyraqty eksporttaýǵa tyıym salǵan joq
QR Aýyl sharýashylyǵy mınıstrligi osy málimdemesin keıbir fermerlerdiń resmı derekkózderdegi aqparatpen tanyspaýyna nemese ony durys túsinbeýine, sondaı-aq áleýmettik jelilerde qate, keıde ádeıi jalǵan aqparattyń taralýyna baılanysty resmı túrde jasaǵanyn jetkizdi.
«Bul degenimiz, oramjapyraqty eksportaýǵa, sonyń ishinde Reseı Federatsııasynyń aýmaǵyna da eksporttaýǵa ruqsat etilgen bildiredi. Alaıda, Qazaqstan Respýblıkasynda tótenshe jaǵdaıdyń engizilýine baılanysty aǵymdaǵy jyldyń naýryz aıynda Memleket basshysy áleýmettik mańyzy bar taýarlardyń jetispeýshiligine jol bermeýdi jáne halyqty azyq-túliktiń jetkilikti kólemimen úzdiksiz qamtamasyz etý úshin olardyń tómendetilmeıtin qordy qamtamasyz etýdi tapsyrdy.
Sondyqtan QR Aýyl sharýashylyǵy mınıstrligi keıbir azyq-túlik taýarlarynyń eksportyn retteý týraly ereje engizdi. Olardyń qataryna oramjapyraq, tústi oramjapyraq, japyraqty oramjapyraq, kolrabı jáne basqa da Brassica tektes osyǵan uqsas jeýge jaramdy kókónister kirdi», delingen habarlamada.
Jalǵan aqparattyń odan ári taralmaýy úshin QR Aýyl sharýashylyǵy mınıstrligi oramjapyraqty shetelge kvota boıynsha eksporttaýǵa ruqsat etilgenin resmı habarlaıdy. Vedomstvonyń barlyq tıisti habarlandyrýy men qujattary saıtta jarııalanǵan.