AShM Kaspııdegi shaıandardyń qyrylýyna qatysty túsinikteme berdi

ASTANA. KAZINFORM – Kaspıı teńizinde shaıandardyń jappaı qyrylýy tirkelgen bolatyn. Osy máselege qatysty búgin QR Aýyl sharýashylyǵy mınıstrligi túsinikteme berdi. 

«Balyq resýrstary men basqa da sý janýarlarynyń qaýip-qateri jáne (nemese)qyrylýy anyqtalǵan kezde ózara is-qımyl shemasyna sáıkes Jaıyq-Kaspıı oblysaralyq basseındik balyq sharýashylyǵy ınspektsııasymen múddeli memlekettik organdarǵa habarlanǵanyn málimdeımiz», — delingen habarlamada. 

Osyǵan oraı shuǵyl túrde Mańǵystaý oblysy boıynsha balyq ınspektsııasy basqarmasynyń memlekettik ınspektorlary Mańǵystaý oblysy boıynsha ekologııa departamentiniń ókilderimen birge shaıandardyń boljamdy qyrylý ornyna bardy. 

«Aýa-raıyna baılanysty (daýyl, laı sý) shaıandardyń qyrylǵan jerin kózben anyqtaý múmkin bolmady», — dep habarlady AShM.  

Ekologııa departamenti zerthanalyq zertteýler úshin sý synamalary alyndy. Ekolog mamandardyń aıtýynsha, monıtorıng jalǵasady, aqparat daýyl aıaqtalǵannan keıin qosymsha tekseriletin bolady.

Buǵan deıin teńiz túbinde jınalyp jatqan óli shaıandardyń tabylǵany týraly jazǵan bolatynbyz.