AShM Kaspıı jaǵalaýynda ıtbalyqtar men aqqýlardyń qyrylý sebebin atady

- Mundaı jaıt bizde alǵash ret bolyp otyrǵan joq. Bul tabıǵı qubylystarǵa baılanysty. Onyń ishinde jer silkinisi kezinde tabıǵı gaz bólinip jatady. Ádette ólekselerdi shirigen kezinde taýyp alamyz. Óıtkeni, olardy tolqyn jaǵaǵa shyǵaryp tastaıdy, - dedi vıtse-mınıstr Úkimet otyrysynan keıin.

Onyń aıtýynsha, ólekselerdiń tabylýyna baılanysty qajetti synamalar alynyp, zertteý jalǵasyp jatyr.

- Degenmen, eshqandaı aýrý belgilerin tappadyq. Bul jaǵdaıda da synamalar alyp, zerthanalardy tekserý júrgizilip jatyr. Nátıjesin habarlaımyz, - dedi Amanǵalı Berdalın.

Buǵan deıin Mańǵystaýda Qulaly aralynan 30-dan astam ólgen ıtbalyq, al Kaspıı jaǵalaýynan aqqý ólekseleri tabylǵan edi.