AShM Kaspıı men Buqtyrma sý qoımasynyń aıdynyn balyq ósirýshilerge konkýrssyz bermekshi

ASTANA. KAZINFORM – Májiliste balyq sharýashylyǵyn damytýǵa arnalǵan zań jobasy birinshi oqylymda talqylanyp jatyr. Depýtat Erlan Saırov osy qujattaǵy kólderdi balyq ósirýshilerge konkýrssyz berý normasyna qarsylyq bildirdi.

«Zań jobasynda jańa óndiristik obektiler salýǵa ınvestor 550 mln teńge berse, jáne sol óndiristi jańǵyrtýǵa 370 mln teńge salsa, sol ınvestorlarǵa balyq sharýashylǵy aıdynyn, ıaǵnı kólderdi konkýrs ótkizbeı, tegin berý qarastyrylǵan. Endi sol kólderdi konkýrssyz tegin berý sybaılastyqqa alyp kelmeı me? Erteń sol jerde konkýrs ótkizgenderdiń kókesi, qudasy júrmeı me?», - dep surady Májilis depýtaty Erlan Saırov.

Aýyl sharýashylyǵy vıtse-mınıstri Amanǵalı Berdalın sybaılastyq táýekelin ınvestıtsııalyq komıssııa arqyly azaıtatyndaryn aıtady.

«Sý aıdyndardy konkýrssyz berý salanyń ınvestıtsııalyq tartymdylyǵyn arttyrý úshin kerek. Qazir rezervte arnaıy turǵan aıdyndar bar. Ol – iri jáne tereń sý aımaqtary. Aıtaıyq, Kaspıı teńizinde, Buqtyrma sý qoımasynda osyndaı sharýashylyqpen aınalysýǵa bolady. Bul jerde aıdyndar konkýrstan tys beriletindikten, ınvestıtsııalyq komıssııa bekitetin bolady. Onyń quramyna ýákiletti organdardyń, jergilikti ákimdikterdiń, basseındik ınspektsııa ókilderi, «Atameken» UKP ókilderi, salalyq kásiporyn ókilderi kiredi. Sondyqtan bul jerde sheshimdi bir adam qabyldamaıdy. ıAǵnı, sybaılastyq táýekelin azaıtady degen oıymyz bar», - dedi vıtse-mınıstr.