AShM ınspektorlary 61 tonna qaýipti dándi daqyl men kókónisti shekaradan ótkizbedi
Ótken aptada Aýyl sharýashylyq mınıstrliginiń karantın jónindegi memlekettik ınspektorlary 60 tonnadan astam qaýipti ımporttyq dándi daqyldardy, jıdekterdi, kókónister men jemisterdi tárkilep, keri qaıtardy. Taýarlar elimizge Reseı Federatsııasynan, Qytaı men Ózbekstan Respýblıkasynan jetkizilgen.
«22 tonna qurma men mandarınnen qaýipti karantındik zııankester - qara tsıtrýstyq aqqanat (Aleurocanthus woglumi Ashby) jáne Kostok qurty (Pseudococcus comstocki (Kuwana) anyqtaldy», delingen habarlamada.
Sonymen qatar, Aýyl sharýashylyq mınıstrliginiń karantın jónindegi memlekettik ınspektorlary qaptama tańbalary joq 26 tonnadan astam qurma, 4,4 tonna júzim, 2,4 tonna qyzanaq jáne 126 kg lımon, fıtosanıtarlyq sertıfıkatty joq 5 tonna bıdaıdyń Qazaqstan aýmaǵyna ákelýge tyıym saldy.
Sondaı-aq, Ózbekstannan tyıym salynǵan ónimdi qol júgi arqyly ótkizýdiń birneshe oqıǵasy tirkelgen.
«Bir apta ishinde Túrkistan, Qostanaı, Aqmola jáne Almaty oblystarynda joǵary fıtosanıtarlyq qaýpi joǵary ósimdik ónimderin zańsyz jetkizýdiń 15 jaǵdaıy anyqtaldy. QR aýmaǵyna tasymaldaýǵa tyıym salynǵan ónimder Ózbekstan Respýblıkasyna, Reseı Federatsııasyna jáne QHR-ǵa keri qaıtarylyp, jaýapty tulǵalar ákimshilik jaýapkershilikke tartyldy», delingen habarlamada.
Eske salsaq, QR Prezıdenti Q.Toqaev shekara mańyndaǵy aýmaqtarda veterınarııalyq jáne fıtosanıtarııalyq baqylaýdy kúsheıtýge baǵyttalǵan «Qazaqstan Respýblıkasynyń keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» QR Zańyna qol qoıdy. Sonymen qatar, atalmysh zań kúshine engennen keıin veterınarııa jáne fıtosanıtarııa salasyndaǵy barlyq baqylaý-qadaǵalaý fýnktsııalary QR Aýyl sharýashylyǵy mınıstrligine beriledi.