AShM-ge qarasty memlekettik ınspektsııa komıtetiniń burynǵy tóraǵasy 6 jylǵa sottaldy

NUR-SULTAN. QazAqparat – QR Aýyl sharýashylyǵy mınıstrliginiń Agroónerkásip keshenindegi memlekettik ınspektsııa komıtetiniń burynǵy tóraǵasy E.T.Aınabekov qyzmetin asyra paıdalandy degen kúdikpen aıypty dep tanylyp, 6 jylǵa sottaldy, dep habarlaıdy QazAqparat tilshisi.

«2020 jyldyń 13 mamyrynda Nur-Sultan qalasynyń Baıqońyr aýdandyq №2 sotynyń úkimimen QR Aýyl sharýashylyǵy mınıstrligi Agroónerkásip salasyndaǵy memlekettik ınspektsııa komıtetiniń burynǵy tóraǵasy E.T.Aınabekov 6 jylǵa bas bostandyǵynan jáne ómir boıy memlekettik qyzmette eńbek etý quqyǵynan aıyryldy. Ol 2017 jyly Jambyl oblysynda zııandy shegirtkelerdi hımııalyq jolmen joıý jumystary boıynsha «Orazalıev» jeke kásibimen negizsiz qosymsha kelisim jasaý arqyly óz qyzmetin asyra paıdalandy degen kúdikke ilingen», - dedi Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bekaıdarov agenttikte ótken onlaın baspasóz máslıhatynda.

Sonymen qatar ol «KazTrastKem» JShS-nan qaıtarymsyz negizde 4 myń lıtr ýly hımıkat talap etip, óz qyzmetin asyra paıdalaný, komıtettiń vedomstvolyq arnaıy tehnıkasyn zańsyz jumysqa tartý kúdigi boıynsha sotqa tartylǵan.

Danııar Bekaıdarovtyń aıtýynsha E.T. Aınabekovtyń áreketinen memleket pen zańdy tulǵalarǵa 48 mln teńge shyǵyn keltirilgen.