AShM fermerlerge tikeleı sýbsıdııa berý tetikterin túsindirdi
ASTANA. KAZINFORM — Buqaralyq aqparat quraldary men áleýmettik jelilerde sýbsıdııa tóleý tetikteri men agrarlyq sala ókilderi aldyndaǵy jınaqtalǵan bereshek máselesi keńinen talqylanyp jatyr. Osyǵan baılanysty Aýyl sharýashylyǵy mınıstrligi túsiniktime berdi.
Mınıstrlik málim etkendeı, kez kelgen aýyl sharýashylyǵy taýaryn óndirýshi sýbsıdııa alýǵa ótinim bere alady.
— Ótinim sýbsıdııalaý erejelerine sáıkes bolýy tıis. Mysaly, ınvestıtsııalyq sýbsıdııa alý úshin fermer óz sharýashylyǵyn damytýǵa ınvestıtsııa salýy qajet, ıaǵnı, sút-taýarly ferma salǵan aýyl sharýashylyǵy taýaryn óndirýshi jobanyń belgilengen qun sheginen aspaı, jumsaǵan qarajatynyń 25%-yn qaıtara alady, — delingen habarlamada.
Sýbsıdııalaý saıasatyn Aýyl sharýashylyǵy mınıstrligi ázirleıdi, al sýbsıdııalardy berý jergilikti atqarýshy organdardyń, ıaǵnı ákimdikterdiń quzyretine jatady.
— Ótinimder ákimdikterdiń aýyl sharýashylyǵy basqarmalary arqyly tsıfrlyq júıede qabyldanyp, óńdeledi. Barlyq úderis avtomattandyrylǵan jáne ashyq júrgiziledi. Oblystyq bıýdjetti máslıhattar bekitedi, al sýbsıdııalar dál osy qarajat esebinen tólenedi. 2023 jyldan bastap sýbsıdııalaýǵa arnalǵan qarajat jalpy sıpattaǵy transfertterge engizilgen, ıaǵnı, respýblıkalyq bıýdjetten oblystyq bıýdjetterge beriledi. Aýyl sharýashylyǵy taýaryn óndirýshilerdiń ótinimderi qarajat túsý tártibi boıynsha kezekpen qabyldanady, — delingen habarlamada.
Vedomstvo túsiniktemesinde sýbsıdııalar boıynsha bereshektiń qalyptasýy qajettiliktiń qolda bar qarajat kóleminen asyp ketýine baılanysty bolyp otyrǵany aıtylǵan.
— Jyl saıyn ótken kezeńderdiń bereshekteri aǵymdaǵy jyldyń bıýdjeti esebinen ótelip, qosymsha qarajat bólinedi. Jyl basynan beri óńirler barlyq baǵyt boıynsha bereshekterdi óteýdi júzege asyryp jatyr. Máseleni júıeli sheshý úshin kóktemgi dala jáne egin jınaý jumystary men aınalym qarajatyna beriletin kredıtter boıynsha paıyzdyq mólsherlemeni sýbsıdııalaý toqtatylyp, onyń ornyna tikeleı sýbsıdııalaý engizildi. ıAǵnı, fermerler jeńildetilgen mólsherlememen kredıt alady. Osynyń nátıjesinde bul baǵyttaǵy sýbsıdııa boıynsha bereshekke jol berilmeıdi, — dep túıindedi AShM.
Sondaı-aq sýbsıdııalaýdyń basqa túrleri boıynsha da júıeli sharalar qabyldanyp jatyr.
Buǵan deıin ShQO-da sýbsıdııa alǵan sharýa qojalyqtar mal basyn saqtaý talaptaryn oryndamaǵanyn jazǵan edik.