AShM eski tehnıkalardy esepten shyǵarmaı otyrǵan óńirlerdi atady
«Elbasynyń tapsyrmasyna sáıkes AÓK-tegi eńbek ónimdiligin 5 jyl aralyǵynda keminde 2,5 ese ulǵaıtý qajet. Ónimdilikti birinshi kezekte agrarshylardy tehnıkalyq qaıta jaraqtandyrý arqyly arttyrý qajet. 2019 jyly eń tómengi tehnologııalyq deńgeı 6 paıyz bolǵanda jańartýdyń ortasha deńgeıi 4 paıyzǵa jetti. Qaraǵandy (4,6%), Aqmola (4,5%), Jambyl (4,4%), Shyǵys Qazaqstan jáne Aqtóbe (4,3%) oblystarynyń tehnıkany jańartý deńgeıiniń qarqyny jaqsy ekenin atap ótý qajet. Áıtse de Almaty jáne Túrkistan oblystarynda tehnıkany jańartýdyń tómen qarqyny baıqalady (2,8% jáne 1,8%)», - dedi vıtse-mınıstr vedomstvonyń alqa májilisinde.
Aıdarbek Saparov, sonymen qatar, respýblıka boıynsha esepten shyǵarýǵa jatatyn aýyl sharýashylyǵy tehnıkasy parkiniń joǵary deńgeıi baıqalady. Bul mashına-traktor parkin jańartý qarqynyn tómendetedi.
«Atalǵan baǵytta Qostanaı, Batys Qazaqstan, Jambyl oblystary jumystaryn kórsetti. Soltústik Qazaqstan, Qaraǵandy, Pavlodar, Túrkistan oblystarynda esepten shyǵarý qarqyny tómen. Tozý deńgeıi 80 paıyzdy quraıtyn eski tehnıkany esepten shyǵarmaı, jańartý deńgeıin kótere almaımyz. Óıtkeni satyp alynatyn tehnıka jalpy parktiń ishinde kórinbeıdi», - dedi ol.