AShM elimizdiń agroónerkásip kesheninde mamandandyrylǵan qarjylandyrý júıesin qurýdy usynyp otyr
ASTANA. Jeltoqsannyń 14-i. QazAqparat /Ernur Aqanbaı/ - QR Aýyl sharýashylyǵy mınıstri Aqylbek Kúrishbaev elimizdiń agroónerkásip kesheninde mamandandyrylǵan qarjylandyrý júıesin qurýdy usynyp otyr. Ol bul usynysyn búgin Premer-Mınıstr Kárim Másimovtiń tóraǵalyǵymen ótip jatqan Qazaqstannyń agroónerkásip keshenin damytý máselelerine arnalǵan keńeste bildirdi,
dep habarlaıdy QazAqparat.
Onyń sózine qaraǵanda, aýyl sharýashylyǵyn nesıeleýdiń tıimdi júıesiniń joqtyǵy - búginde agroónerkásip keshenin basqarýdaǵy eń álsiz býyn bolyp tabylady. Táýekeliniń joǵarylyǵynan aýyl sharýashylyǵy banktik qurylymdardyń nesıeleýi úshin árqashan tartymdylyǵy az baǵyt bolǵan. Búgingi jaǵdaı munyń aıqyn dáleli bolyp tabylady. Ekinshi deńgeıli bankterdiń jıyntyq nesıeleý qoryndaǵy aýyl sharýashylyǵy nesıeleriniń úlesi 3,5 paıyzǵa deıin tómendep otyr. «QazAgro» ulttyq holdınginiń enshiles kompanııalar arqyly qoldanystaǵy bıýdjettik nesıeleý esebinen qarjylandyrýdyń týyndaǵan tapshylyǵyn óteý múmkin emes. Sýbsıdııany ylǵıda ulǵaıtý esebinen nesıeleý júıesin qalpyna keltirýsiz aýyl sharýashylyǵyn keleshekte damytýdyń perspektıvasy joq. Munyń astarynda jalqaýlyq kóńil-kúıdi týdyratyn jáne salanyń básekege qabilettiligin tómendetetin qaýipti úrdis jatyr. Agrarlyq bankter qurylǵan jáne tıimdi jumys istep jatqan elderde bul problemalar aıtarlyqtaı tabysty sheshilip jatqandyǵy jáne óndiriste jaqsy nátıjelerge qol jetkizip otyrǵandyǵy halyqaralyq tájirıbede kórinip otyr. Máselen, bizdiń iri saýda áriptesimiz bolyp tabylatyn Reseıde Reseı aýyl sharýashylyǵy banki qurylǵan. Sonyń arqasynda sońǵy 2 jylda agrarlyq salany nesıeleý kólemi 4 esege ulǵaıyp, 12 mlrd. AQSh dollaryn qurady. Nátıjesinde, aýyl sharýashylyǵy ónimderiniń kólemi jáne Reseıdiń agroónerkásip kesheniniń tehnıkalyq jáne tehnologııalyq bazasyn jańartý qarqyny ulǵaıdy. Sondyqtan bizge agroónerkásip keshenin qarjylandyrý júıesin quryp, aýyl sharýashylyǵyna arnalǵan búkil bıýdjettik qarajatty birtutas arnaǵa jumyldyra otyryp osy jolmen júrý qajet», dedi A. Kúrishbaev.
