AShM elevatorlardyń jańa astyqty qabyldaýǵa daıyndyǵyn tekserýin jalǵastyrýda
1411,7 myń tonna astyq jınalyp, ortasha ónimdilik gektaryna 15,4 tsentnerdi qurady, dep habarlady QR AShM baspasóz qyzmetinen.
Búgingi tańda el aýmaǵynda jalpy syıymdylyǵy 13,9 mln. tonnadaı bolatyn 213 lıtsenzııalanǵan astyq qabyldaý kásiporyndary jumys istep jatyr. Munymen qatar aýyl sharýashylyǵy taýarlaryn óndirýshilerde 10,7 mln. tonna astyq saqtaı alatyn oryn bar. Osylaısha elimizdegi astyq saqtaý oryndarynyń jalpy syıymdylyǵy 24,6 mln. tonnany quraıdy.
213 lıtsenzııalanǵan elevatorlardyń ishinen 187 astyq qabyldaý kásiporyndary tekserilip, onyń 139-y daıyn bolyp shyqty. Al 48 AQK túrli sebeptermen ózderiniń biliktilik talaptaryna saı emes ekendigin kórsetti.
Búgingi kúni elevatorlarda 521 dán keptirgish qurylǵy, onyń ishinde Aqmola oblysynda - 143, Qostanaı oblysynda - 139 jáne Soltústik Qazaqstan oblysynda - 149 birlik qurylǵy bar. 12 tamyzdaǵy jaǵdaı boıynsha 492 dán keptirgish qurylǵy daıyn. Barlyq dán keptirgish qurylǵylarynyń táýliktik ónimdiligi 364700 tonnany quraıdy.
Joǵary atalǵandardyń negizinde, QR AShM AShTÓ kelesi is sharalardy qolǵa alýdy usynady: dán keptirgish qurylǵylardyń qaıta jóndelýin jáne ony daıyndalýyn aıaqtaý; aýa raıynyń qolaısyz jaǵdaıyna baılanysty (bıdaı daqyldarynyń kesh pisip jetilýi, aramshóptilik) AShTÓ-ne bıdaı daqyldaryn bólek oryp alý úshin jatqyzyp qysý qurylǵylaryn daıyndaý jáne olardy qaıta jóndeýden ótkizip nemese múmkindiginshe jańadan satyp alý kerek; AShTÓ astyqty saqtaý úshin qosymsha arnaıy qaptardy satyp alý qajet; bıdaı daqyldarynyń pisip-jetilýin tezdetý úshin barynsha desıkatsııa ádisin qarastyrý qajet; astyqty keptirý úshin elevatorlardyń qojaıyndaryna jáne AShTÓ qajetti mólsherde dızel otynyn alyp qoıýy qajet.