Aýyl sharýashylyǵy mınıstrliginiń burynǵy qyzmetkeri tergeýge alyndy – Antıkor

ASTANA. KAZINFORM – Aýyl sharýashylyǵy mınıstrligine qarasty departament dırektorynyń burynǵy orynbasary jemqorlyq kúdigine ilindi. Bul týraly Sybaılas jemqorlyqqa qarsy is-qımyl agenttigi habarlady.

- Sybaılas jemqorlyqqa qarsy qyzmettiń Astana qalasy boıynsha departamenti aýyr sybaılas jemqorlyq qylmys jasady degen kúdik boıynsha Aýyl sharýashylyǵy mınıstrligi departament dırektorynyń burynǵy orynbasaryna qatysty qylmystyq isti tergep jatyr, - delingen habarlamada.

Burynǵy memlekettik qyzmetker affılıırlengen kompanııany qyzmettik kólikti jóndeýge zańsyz tartty degen kúdikke ilinip otyr.

- Kúdikti bıýdjet qarajatyn qolma-qol aqshaǵa aınaldyryp, urlap áketken, bul memleketke 3 mln teńgeden astam shyǵyn keltirýge ákep soqtyrdy, - dep habarlaıdy Antıkordan.

Qazir tergeý jalǵasyp jatyr, Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.

Birneshe kún buryn Qaraǵandy oblysynda departament basshysy 1 mln teńge para aldy degen kúdikke ilingeni týraly habarlaǵan edik. 

Aıta ketsek, Antıkor Shymkentti jylýmen qamtamasyz etetin kásiporynǵa taldaý júrgizip jatyr.