AShM tsıfrlyq aýyl sharýashylyǵy kartasyn ázirlep jatyr

NUR-SULTAN. QazAqparat - AShM tsıfrlyq aýyl sharýashylyǵy kartalaryn jasaý jumysyn jalǵastyryp keledi, dep habarlaıdy QazAqparat vedomstvonyń baspasóz qyzmetine silteme jasap.

Bul týraly QR AShM alqa otyrysynda Jer resýrstaryn basqarý komıtetiniń tóraıymy Gúljahan Bımendına málimdedi

Onyń aıtýynsha, QR Aýyl sharýashylyǵy mınıstrligi kosmomonıtorıngimen qatar jergilikti jerdiń fotobeınesi qamtylǵan tsıfrlyq aýyl sharýashylyǵy kartasyn jasaýda.

«Atalmysh karta jer ýchaskelerin naqty paıdalaný, onyń sıpattamasy jáne qurylymy boıynsha saralaýǵa múmkindik beredi. Kartalarda aýylsharýashylyq jerleriniń barlyq túrleri: egistik, tyńaıǵan jerler, baqtar, shabyndyqtar men jaıylymdar kórsetilgen. Aýyl sharýashylyǵy kartalary aýqymdy aýmaqtar boıynsha birtekti jáne salystyrmaly aqparat alýǵa tıimdi», - dedi Gúljahan Bımendına.

Sondaı-aq, Jer resýrstaryn basqarý komıteti elektrondy kartalardy jasaı otyryp, topyraq jáne geobotanıkalyq zertteý júrgizýde. Bul alqaptardyń ózekti melıoratsııalyq jaı-kúıin (tuzdaný, sortańdaný), aýyl sharýashylyǵy alqaptarynyń sapalyq sıpattamasyn jáne jaıylym alqabynyń jem-shóp mólsherin kórsetedi. Atalmysh aqparat jer resýrstaryn basqarýdyń tıimdi júıesin qurýǵa kómektesedi.

Búginde 47,45 mln ga (25,6%) alańda topyraqty zertteý jáne 34,3 mln ga (20,8 %) alańda geobotanıkalyq zertteýler boıynsha jańartylǵan materıaldar bar. Elektrondy kartalardy aisgzk.kz saıtynan ashyq kórýge bolady.