AShM burynǵy sheneýnigi M.Baqtybaevtyń advokaty óziniń qorǵalýshysyna ákimshilik jaýapkershilik suraýda

ASTANA. KAZINFORM - QR Aýyl sharýashylyǵy mınıstrligi Mal sharýashylyǵy departamentiniń burynǵy basshysy Maqsut Baqtybaevqa qylmystyq emes, ákimshilik jaza qoldanylýy tıis, dep esepteıdi aıyptalýshynyń qorǵaýshysy Sergeı Deev.

Jýrnalısterge bergen suhbatynda ol Baqtybaevqa taǵylǵan aıyptyń sanatyn aýystyrý kerek ekendigin málim etti.

«Biz aıyptyń sanatymen kelispeımiz. Baqtybaev memlekettik qyzmetshi bola tura, normatıvterdiń birin ózi jasaqtap, sol úshin qarajat alǵan. Ol para emes, bıýdjet qarajatyn urlaý emes. Ol óziniń tarapynan qatelik ketkenin túsinedi, biraq ol qylmystyq bap bolmaýy kerek edi», - deıdi advokat.

Onyń sózine qaraǵanda, QR Aýyl sharýashylyq mınıstrligi tórt normatıv jasaqtaýǵa tapsyrys bergen. Onyń bireýin oryndaýshy kompanııa úshin Baqtybaevtyń ózi jasaǵan, sol jumysy úshin tıisti eńbekaqysyn alǵan.

«Bul onyń tarapynan quqyqqa qaıshy keledi. Biraq ol qylmystyq jazalanýǵa jatatyn is-áreket emes. Ol ákimshilik buzýshylyq jasady. ıAǵnı memlekettik qyzmetshi normatıvterdi jasaýǵa quqyq joq. Oǵan qarastyrylǵan jaýapkershilik - sógis, aıyppul. Qalaıda men Baqtybaevtyń aqtalatyna senemin», - dedi ol.