AShM buryn belgisiz bolyp kelgen túınemege qatysty birneshe mal qorymyn tapty

ASTANA. QazAqparat - Búgin QR Aýyl sharýashylyǵy mınıstrliginde ótken baspasóz máslıhatynda veterınarııalyq baqylaý jáne qadaǵalaý komıtetine qarasty bıologııalyq qaýipsizdik basqarmasynyń basshysy Saltanat Abylqasymova túınemege qatysty osy ýaqytqa deıin atqarylǵan sharalar jaıynda habardar etti, dep habarlaıdy QazAqparat tilshisi.

Eske sala ketsek, bıyl elimizdiń birneshe oblysynda túıneme  anyqtalyp, aýrý maldy soıǵan eki adam qaıtys bolǵannan keıin sol kezdegi Úkimet basshysy Kárim Másimov túınemeden ólgen mal qorymdaryn tirkeýge alyp, tıisti veterınarlyq qaýipsizdik sharalaryn ótkizýdi tapsyrǵan bolatyn.

Buǵan deıin jarııalanǵan resmı aqparatqa sáıkes, respýblıka boıynsha túıneme (sibir jarasy) bar mal qorymdarynyń jalpy sany - 2 613.  Ázirge 1 890 qorymnyń naqty ornalasqan jeri belgili. Degenmen, 702 qorymnyń aýmaǵy qorshalmaǵan nemese arnaıy belgileri joq. Al 714 mal qorymynyń naqty jeri múldem belgisiz. Osy tusta Aýyl sharýashylyǵy mınıstriligi «taǵy birneshe qorymdy taptyq» dep otyr.

«Shyny kerek, bul - óte ózekti másele. Bıyl Qaraǵandy, Pavlodar, Shyǵys Qazaqstan men Batys Qazaqstan oblystarynda túıneme indetiniń oshaqtary paıda bolyp, eki oblysta adam ólimi tirkeldi. Qazir Úkimet basshysynyń tapsyrmasy boıynsha, Premer-mınıstrdiń orynbasary-aýyl sharýashylyǵy mınıstriniń tapsyrmasy (Asqar Myrzahmetov - red.) boıynsha tıisti jumystar atqarylyp jatyr. Osy ýaqyt qadeıin belgisiz bolyp kelgen 9 qorym tabyldy», - deıdi S.Abylqasymova.

Sondaı-aq, basqarma basshysy Atyraý oblysy Qyzylqoǵa aýdanynda pasterellezden júzdegen maldyń qyrylǵanyn rastady. Osy ýaqytqa deıin 388 bas mal pasterellezden mert boldy. Qazirgi kezde aýrýdyń sebebi anyqtalyp jatyr.