AShM ógizshelerdi eksporttaýǵa kvota lımıtin arttyrdy
ASTANA. KAZINFORM — 2024 jyldyń 26 qazanynan bastap Qazaqstan aýmaǵynan úshinshi elderge jáne Eýrazııalyq ekonomıkalyq odaq elderine ógizsheler men toqtylardy eksporttaý kvotasyn bólý qaǵıdalary kúshine enedi, dep habarlaıdy AShM baspasóz qyzmeti.
Bul norma alty aı merziminde áreket etedi.
12 aıdan asqan ógizshelerdi áketýdiń sandyq lımıti 85 myń basty quraıdy, onyń ishinde bordaqylaý alańdary úshin — 55 myń bas, taýar óndirýshiler úshin — 30 myń bas.
6 aıdan asqan erkek toqtylardy áketýdiń sandyq lımıti 120 myń basty quraıdy, onyń ishinde bordaqylaý alańdary úshin — 60 myń bas, taýar óndirýshiler úshin — 60 myń bas.
12 aıdan asqan ógizshelerdi áketýge bir bordaqylaý alańyna arnalǵan lımıttiń jıyntyq sany 4000 bastan aspaıdy, al bir taýar óndirýshige — 500 bastan aspaıdy.
6 aıdan asqan erkek toqtylardy áketýge bir bordaqylaý alańyna arnalǵan lımıttiń jıyntyq sany 1000 bastan aspaıdy, al bir taýar óndirýshige — 500 bastan aspaıdy.
Bul rette, bir bordaqylaý alańyna beriletin kvota bordaqylaý alańy qýatynyń 20 paıyzynan aspaýǵa tıis jáne kvotany bólý sátinde bordaqylaý alańyndaǵy mal basynyń naqty sany suratylǵan kvota kóleminen eki ese kóp bolýǵa tıis. Kvotalar tolyq taýsylǵanǵa deıin bólinedi, - dep tolyqtyrdy vedomstvo.
Sonymen qatar, kvotalar «E-lıtsenzııalaý» portalynda bólinedi jáne «Sandyq shekteýler (kvotalar) engizilgen kezde taýarlardyń jekelegen túrleriniń eksportyna jáne (nemese) ımportyna lıtsenzııa berý» memlekettik qyzmet kórsetý qaǵıdalaryna sáıkes jekelegen taýar túrlerin eksporttaýǵa lıtsenzııa alý kezinde avtomatty túrde beriledi.
Kvotalar sanyn bólý kezinde aýyl sharýashylyǵy janýarlarynyń ıeleri týraly derekter, sondaı-aq aýyl sharýashylyǵy janýarlarynyń sany týraly derekter aýyl sharýashylyǵy janýarlaryn birdeılendirý jónindegi derekqor jáne «E-Agriculture» agroónerkásiptik keshen salalaryn basqarýdyń biryńǵaı avtomattandyrylǵan júıesi» aqparattyq júıesi arqyly rastalady.
Buǵan deıin habarlaǵanymyzdaı, sheteldikter sapasyna joǵary baǵa bergen qazaqstandyq irimshik eksportqa shyǵarylatyny belgili boldy.
Sonymen qatar, Túrkistan oblysy et eksporty boıynsha Qazaqstanda kóshbasshy atandy.
