AShM: Bıylǵy balyq aýlaý lımıti bekitildi

ASTANA. QazAqparat - Aýyl sharýashylyǵy mınıstrligi ústimizdegi jylǵa arnalǵan balyq aýlaý lımıtin bekitti, dep habarlaıdy QazAqparat tilshisi.

«Balyq sharýashylyǵy sý aıdyndarynda balyq jáne basqa sý janýarlaryn 2019 jyldyń 15 aqpany men 2020 jyldyń 15 aqpany aralyǵynda aýlaýdyń lımıti bekitildi. Bıylǵy jyly 51 866,924 tonna balyq aýlaýǵa ruqsat berildi», - dep jazdy QR AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet óziniń Feısbýk paraqshasynda.

Bekitilgen erejege sáıkes, balyq jáne basqa da sý janýarlary halyqaralyq jáne respýblıkalyq mańyzy bar sý aıdyndarynda aýlanady.

Sondaı-aq, mınıstrlik buıryǵymen bekitilgen atalǵan lımıtte, aýlaýǵa ruqsat etilgen balyq jáne basqa da sý janýarlar túrleri, sý aıdyndarynyń ataýy men balyq aýlaýdyń kólemi tolyq kórsetilgen.