AShM birqatar memlekettik qyzmet túrin HQKO-ǵa bermek
TANA. 18 qarasha. QazAqparat /Marlan Jıembaı/ - QR Aýyl sharýashylyǵy mınıstrligi birqatar memlekettik qyzmet túrin halyqqa qyzmet kórsetý ortalyqtaryna bermek.
Bul týraly búgin baspasóz máslıhaty barysynda atalǵan vedomstvoǵa qarasty Agroónerkásip kesheniniń memlekettik ınspektsııasy komıteti tóraǵasynyń orynbasary Mars Almabek málim etti.
Máselen, onyń atap ótýinshe, qazirgi tańda aýyl sharýashylyǵy tehnıkasyn tirkeý jáne onyń bar ne joq ekendigi týraly anyqtamany halyqqa qyzmet kórsetý ortalyqtaryna berý josparlanyp otyr. M.Almabektiń paıymynsha, bul kásipkerlerdiń atalǵan anyqtamany alýǵa 1-2 kúnin jumsamaı, 5-10 mınýttyń ishinde alýyna múmkindik beredi.
«Biz barlyq reglamentter men standarttar bekitilgennen keıin saraptama júrgizýdi josparlaýdamyz. Baılanys jáne aqparat mınıstrligimen qosymsha kelissózder júrgiziledi. Meniń oıymsha, keler jyldyń ortasynda halyqqa qyzmet kórsetý ortalyqtaryna qandaı qyzmet túrleri beriletindigin resmı jarııalaıtyn bolamyz», - dedi ol.
