AShM basshysy aýyl sharýashylyǵy taýarlaryn óndirýshiler úshin satyp alý jáne satý boıynsha habarlandyrý beretin tegin gazettiń bolmaýyna keıistik tanytty

«Biz taldaý jasaı otyryp, aýyl sharýashylyǵy taýarlaryn óndirýshilerdiń habarlandyrýdy eshqaıda bere almaıtyndyǵyna kóz jetkizdik. Ondaı resýrs joq. Máselen, mashına satqysy kelgen adam mamandandyrylǵan gazetke habarlandyrý beredi, ondaı basylymdar kóp. Páterin satqysy kelgender de osylaı isteıdi. Olarda tańdaý bar. Al óziniń pııazyn, kartobyn nemese malyn satqysy kelgenderge mamandandyrylǵan basylym joq, ol úshin aqsha alady», - dedi ol búgin «QazAgroMarketıng» AQ-ynda QR Premer-Mınıstriniń birinshi orynbasary Ómirzaq Shókeevtiń qatysýymen ótken jıyn barysynda.

Bul oraıda A.Mamytbekov pen «QazAgroMarketıng» AQ-nyń basqarma tóraǵasy Aıgúl Ahmetjanova Ó.Shókeevke «Elektrondyq saýda júıesi» saıtyn tanystyrdy. Aıta keterligi, atalǵan júıe aýyl sharýashylyǵy taýarlaryn kóterme baǵamen satyp alý jáne satýdy júzege asyratyn habarlandyrý taqtasy retinde jumys istep tur. A.Ahmetjanovanyń atap ótýinshe, saıttyń tanymaldyǵy kúnnen kúnge artyp keledi, qazirdiń ózinde myńnan astam paıdalanýshy tirkelgen. Óz kezeginde Aýyl sharýashylyǵy mınıstri uıaly telefondar úshin júıeniń veb-nusqasyn ashýǵa ýáde berdi.

Degenmen, QR Premer-Mınıstriniń birinshi orynbasary halyqtyń basym bóligi úshin ınternetti paıdalaný áli de qol jetimsiz bolyp otyrǵandyǵyn eskerip, arnaıy gazet shyǵarýdy usyndy.