AShM azyq-túlik naryǵyn retteýge arnalǵan keshendi sharalardy ázirledi

Bul týraly búgin selektorlyq rejımde ótken Úkimet otyrysynda atalǵan vedomstvonyń basshysy Asyljan Mamytbekov málim etti.

«Atap aıtqanda, birinshi kezekte azyq-túlik naryǵyn retteý, ıaǵnı baǵany turaqtandyrý maqsaty qoıyldy. Biz álemdik azyq-túlik naryǵyndaǵy baǵanyń aýytqýymen kúrese almaımyz. Sebebi, bul bizdiń otandyq óndirýshilerdiń ekonomıkasyna zardap keltiredi. Syrtqy shekaralardyń ashyqtyǵy jaǵdaıynda elimizdiń ishinde azyq-túliktiń baǵasyn arzandatýdaǵy memlekettiń barlyq kúsh-jigeri keıinnen bul arzandatylǵan taýarlardyń kórshiles elderdiń shekaralas óńirlerine ótip ketýine múmkindik jasaıdy. Bul óz kezeginde ekonomıkanyń negizderine qarama-qaıshy keledi. Barlyq taýarlardyń baǵasy negizinen jalpy ınflıatsııalyq deńgeıde ósýi tıis»,-dedi mınıstr.

Osy oraıda A. Mamytbekov mınıstrlik tarapynan azyq-túlik naryǵyndaǵy baǵany retteýge baılanysty keshendi sharalar ázirlengenin atap ótti. Bul sharalar birinshi kezekte azyq-túlik baǵasynyń spekýlıatıvti jáne negizsiz ósýine jol bermeýge arnalǵan. «Osy jedel sharalar úsh negizgi máselelerdi kóterip otyr. Olardy júzege asyrý 2011-2012 jyldardyń qysynda tıisti nátıje beredi»,-dedi vedomstvo basshysy.

Onyń sózine qaraǵanda birinshisi, óńirlerdiń deńgeıinde azyq-túlik taýarlaryn turaqtandyrý qorlaryn qurýǵa negizdelgen. «Azyq-túlik naryǵyndaǵy baǵanyń aýytqýy maýsymdyq tsıkl boıynsha júredi. ıAǵnı, kúzde egin oraǵy kezinde baǵa tómendeıdi. Jáne bul óz kezeginde ónim óndirýshilerge shyǵyn keltiredi. Al, qys jáne kóktemde kerisinshe baǵa ósip, tutynýshylarǵa shyǵyn keledi. Sondyqtan da maýsymdyq baǵanyń aýytqýyn teńdestirý boıynsha jergilikti deńgeıde áleýmettik kásipkerlik korporatsııalarynda enshiles kompanııalar operatorlarynyń basqarýymen turaqtandyrý qorlaryn qurý qajet»,-dedi ol.

Ekinshisi, jemis-jıdek-kókónis ónimderin óndiretin sharýa qojalyqtaryn eseptelgen qosymsha qun salyǵynan bosatý qarastyrylǵan. Úshinshisi, áleýmettik mańyzy bar azyq-túlik taýarlaryna baǵanyń óskeni úshin áleýmettik jaǵynan az qamtylǵan halyqtyń bóligine járdemaqy tóleýge arnalǵan.

Sonymen qatar A. Mamytbekov ákimdikter tarapynan baǵany turaqtandyrý boıynsha jumystar toqtatylmaýy tıis ekenin aıtyp ótti (jármeńkeler, azyq-túlik kerýenderi, ónimdi tutynýshyǵa tikeleı jetkizý ). Onyń paıymdaýynsha, bul jumystar ári qaraı jalǵastyrylýy kerek.