AShM aýyl turǵyndaryn kooperatıv qurýǵa úıretpekshi
«Memleket basshysy QR AShM aldyna aýyl azamattaryn aýyl sharýashylyǵy kooperatsııalaryn keń aýqymda qurýǵa yntalandyrý jáne jergilikti turǵyndardy jumyspen qamtýda JQSh áleýetin paıdalaný boıynsha birqatar mindetter qoıdy», delingen habarlamada.
Qazirgi tańda, bul baǵyttaǵy nasıhat jumystaryn joǵary deńgeıde júrgizý úshin Mınıstrlikte vedomstva qyzmetkerleri men ǵylymı uıymdar ókilderinen qurylǵan sarapshylar toby quryldy. Aıtalyq, 23 qańtardan bastap «Atameken» UKP Agrobiliktilik ortalyǵy men «Qazaq agroónerkásiptik kesheniniń ekonomıkasy jáne aýyldyq aýmaqtardy damytý ǴZI» JShS birige otyryp aýyl sharýashylyǵy kooperatıvterin qurý boıynsha bes kúndik oqytý kýrstaryn bastap ketti.
Atalǵan kýrstardyń qorytyndysy men emtıhandardan soń óńirlerge túsindirý jumystaryn júrgizetin sarapshy toptar tańdap alynady. Sondaı-aq, bul úderiske pılottyq mártebede jumys júrgizip jatqan Nura aýdanynyń 12 kooperatıvi men ózge de qurylymdar qatysady.
Aıta keteıik, AShM atalǵan jumystar úshin óz qyzmetkerlerin daıarlaý ústinde.
Alǵa qoıylǵan mindetterdiń údesinen shyǵý úshin 30 qańtardan bastap elimizdiń barlyq aımaqtarynda aýyl turǵyndaryna aýyl sharýashylyǵy kooperatıvterin qurý boıynsha trenıngter ótkizý josparlanýda.
Budan bólek, jer jerlerde júrgiziletin oqytý barysynda buǵan deıin qurylǵan kooperatıvterdiń monıtorıngi júrgiziledi. ıAǵnı, tıisti ınfraqurylymynyń barlyǵy men qaıta óńdeýshi kásiporyndarmen ózara baılanysy, ótkizý naryǵy men ózge de máseleleri saraptalady.
Taǵy bir aıta keterlik jaıt, munyń nátıjesinde aýyl sharýashylyǵy kooperatıvteriniń málimetter bazasyn qurý jáne olarmen udaıy baılanysta bolý júıesin jolǵa qoıý kózdelýde.
Eske sala ketsek, qazir elimizde 800-den asa aýyl sharýashylyǵy kooperatıvi tirkelgen. 2016 jyly sút ónimderi jáne iri qara mal etin ázirleý baǵyttary boıynsha 157 kooperatıv qurylǵan. Aǵymdaǵy jyly ózge de baǵyttardy qamtı otyryp 250-ge jýyq kooperatıv qurý josparlanýda.