AShM Aýyl sharýashylyǵy taýar óndirýshilerine sýbsıdııany tıimdiligine qaraı qaıta bólýdi usyndy
«Memelkettik qoldaý sharalarynyń tıimdiligin arttyrý maqsatynda aýyl sharýashylyǵy taýar óndirýshilerin yntalandyrmaıtyn sýbsıdııalar men memlekettik shyǵystar qarajatyn qaıta bólý usynylady. Bular negizinen memelkettik qoldaýdyń tıimdiligin meılinshe arttyra túspek. Birinshi - bul tereń óńdeý ónimderin shyǵarý úshin aýyl sharýashylyǵy taýarlaryn satyp alýǵa arnalǵan shyǵyndar. Bul rette aldaǵy ýaqyttary tek qant qyzylshasy ǵana emes, sút ónimderiniń keıbir túrleri, júgeri men dándi daqyldar túrleri de sýbsıdııalanady», - dedi A.Mamytbekov.
Ekinshi sýbsıdııalaý baǵyty - aýyl sharýashylyǵy taýarlaryn óndirýshiler úshin tyńaıtqyshtar men pestıtsıdterdi arzandatýǵa baǵyttalǵan shyǵystar. Munda qazirgideı gerbıtsıdter ǵana emes, fýngıtsıdter men ınsektıtsıdterdi de sýbsıdııalaý kózdeledi. Úshinshi - asyl tuqymdy mal sharýashylyǵyn sýbsıdııalaý, tórtinshiden - ınvestıtsııalyq sýbsıdııalar. Besinshi - kredıtter men lızıngter boıynsha syıaqylar stavkalaryn qaıtarý. Altynshy - qarjylyq saýyqtyrý maqsatyndaǵy kredıtter men lızıngter boıynsha paıyzdyq stavkany sýbsıdııalaý, ǵylymı uıymdardyń qyzmeti úshin shyǵystardy sýbsıdııalaý, ósimdik sharýashylyǵyndaǵy saqtandyrý aıasyndaǵy sýbsıdııalaý, aýyl sharýashylyǵy ónimderin óndirýdi basqarýdy qoldaý.
«Mundaı memlekettik qoldaý sharalary taýardyń ózindik qunyna eshqandaı da áser etpeıdi, alaıda aýyl sharýashylyǵy salasyn janama túrde qoldap, damytady. Sonyń ishinde, ınvestıtsııalyq sýbsıdııalar erekshe nazar aýdartýǵa turady. Biz endigide aýyl sharýashylyǵy tehnıkalaryn satyp alýǵa da kóńil bóletin bolamyz.
Sharýalar, fermerler satyp alǵan kez-kelgen tehnıka bıýdjet esebinen 25-30 paıyzǵa sýbsıdııalanýy múmkin. ıAǵnı, memelket esebinen shyǵynnyń bir bóligi birden óteledi, bul onyń ózin-ózi aqtaý merzimin qysqartyp, rentabeldilikti arttyrady», - dedi mınıstr.