AShM astyq tasymalyna monıtorıng júrgizbek
Oblystyq ákimdikterdiń ókilderi qatysqa jıynǵa QR Premer-Mınıstriniń orynbasary - Aýyl sharýashylyǵy mınıstri Ómirzaq Shókeev tóraǵalyq etti.
Jınalys barysynda aımaqtardaǵy astyq naryǵyn turaqtandyrý, mal sharýashylyǵy men ósimdik sharýashylyǵy boıynsha kórsetiletin memlekettik qoldaý túrleri qarastyrylyp, talqylandy.
Qazaqstan Respýblıkasynda astyqty tasymaldaýǵa monıtorıng júrgizýdi iske asyrý barysy talqylandy.
Búgingi tańda qurylǵan jedel top ilespe qujatsyz tasymaldanǵan astyq boıynsha 15 faktini anyqtady, quqyq buzýshylar Qazaqstan Respýblıkasynyń Zańnamasyna sáıkes ákimshilik jaýapkershilikke tartyldy.
Ári qaraı ósimdik sharýashylyǵyn sýbsıdııalaý máselesi talqylandy. Aıta keteıik, ósimdik sharýashylyǵyndaǵy memlekettik qoldaý 6 baǵyt boıynsha júzege asyrylyp, 73,7 mlrd teńgeni qurap otyr.
Byltyrǵy jyly tuqym sharýashylyǵyn sýbsıdııalaý mehanızmi ózgertilgen bolatyn. Elıtaly jáne biregeı tuqymdardy sýbsııadııalaý jańartylyp jáne birinshi reprodýktorly tuqymdy sýbsıdııalaý kezinde eń az mólsher alynyp tastalyndy.
Sýbsıdııalaýdyń tıimdiligin arttyrý maqsatynda selektsııalyq jetistikterde 10 jyldan astam ýaqyt Memlekettik reestrge kirgen tuqym sorttaryn sýbsıdııalaý máselesin sheshý kerek.
Sonymen qatar, aımaqtarmen mıneraldyq tyńaıtqyshtardy qoldaný, suıyq mıneraldy tyńaıtqyshtardy engizý, suıyq tyńaıtqyshtardy engizý tehnıkasyna sáıkes keletin ınvestıtsııalyq sýbsıdııalaý máseleleri qarastyryldy.
Mal sharýashylyǵynda byltyrǵy jyly sýbsıdııalaý júıesi qaıta qaraldy. Óndirilgen ónimge (sıyr eti, sút, qus eti, jumyrtqa, shoshqa eti) biregeı qoljetimdilikti qamtamasyz etý krıterııleri qaıta qarastyrylyp, kooperatıvterge birigý arqyly naqty óndirilgen ónim boıynsha sýbsıdııa alýdyń múmkindikteri artty.
Selektorlyq jınalys barysynda buryn qoldanysta bolǵan sútti mal sharýashylyǵynda asyl tuqymdy malmen selektsııalyq jáne asyl tuqymdyq jumys júrgizý baǵytynan joǵary sapaly uryqty alý arqyly sýbsıdııalaýǵa kóshý máselesi talqylandy.