AShM astyq qabyldaý oryndarynyń daıyndyǵyna jiti nazar aýdaratyn bolady
ASTANA. 26 shilde. QazAqparat /Qanat Mámetqazyuly/ - QR Aýyl sharýashylyǵy mınıstrligi elimizdegi 214 astyq qabyldaý kásiporyndaryn tekserip, túgendep shyqty.
Ol boıynsha elevatorlardyń bıylǵy egin oraǵynan quıylatyn astyqty qabyldaýǵa daıyndyǵy baqylaýǵa alynatyn bolyp, bul baǵytta múddeli organdarǵa, sonymen qatar jergilikti atqarýshy organdarǵa tıisti tapsyrmalar berildi.
Aýyl sharýashylyǵy mınıstrliginiń málimetine sáıkes, aımaqtyq organdardyń ınspektorlary tekserister barysynda astyqty keptirý sharalaryna basa nazar aýdaryp, qamba zııankesterin zarasyzdandyrýǵa baǵyttalǵan is-sharalardy uıymdastyrý máselelerin erekshe qadaǵalamaq.
«Egindi jınaý jumystary úshin dızeldi otynmen tolyq qamtamasyz etý máselesi de sheshimin taýyp otyr. Bul rette aýyl sharýashylyǵy taýarlaryn óndirýshiler úshin 405 myń tonna janarmaı jeńildikpen berildi. Bundaǵy baǵa lıtrine 76 teńgeni quraıdy jáne bul kórsetkish ortasha bólshek saýdadaǵy baǵadan shamamen 10 teńgege nemese 11 paıyzǵa tómen», - delingen baspasóz aıǵaǵynda.
Іri sharýa qojalyqtary úshin oblystarda operatorlar anyqtalyp, bekitildi. Qazirgi kúni kelisim-shartttar jasalynyp, josparǵa sáıkes tólengen shildelik kólemder jóneltilip jatyr. Shilde aıynda aýyl sharýashylyǵy taýarlaryn óndirýshilerge 36,0 myń tonna janar-jaǵarmaı jóneltilgen.
