AShM apta sońyna deıin egistik naýqanyn aıaqtamaq
ANA. 31 mamyr. QazAqparat /Marlan Jıembaı/ - Aýyl sharýashylyǵy mınıstrligi osy aptanyń sońyna deıin egistik naýqany boıynsha negizgi jumystardy aıaqtamaq.
Bul týraly búgin Úkimettiń selektorlyq formattaǵy otyrysy barysynda atalǵan vedomstvonyń basshysy Asyljan Mamytbekov málim etti.
Mınıstrdiń alǵa tartqan derekterine sáıkes qazirgi ýaqytta dándi jáne jazdyq daqyldardy sebý naýqany 84-3 paıyzǵa oryndalǵan. Tolyqtaı alǵanda respýblıka boıynsha josparlanǵan 16 mıllıon egistik alqabynyń 13,5 mln. gektaryna dán sebilgen.
«Іs júzinde biz ǵylymı turǵyda zerdelengen úılesimdi merzimde seýip úlgeremiz», - dedi ol.
Sonymen qatar A.Mamytbekovtiń atap ótýinshe, elimizdiń soltústik óńirlerine túsken jaýyn-shashyn egistik naýqanynyń qarqynyn tejegenimen jaqsy jaqtary da bar. Óıtkeni dymqyl topyraq dánniń jyldam tamyrlanýyna múmkindik beredi.
