AShM: Abaı oblysyndaǵy 10 aýdannyń jeteýinde veterınarııalyq stansa joq

ASTANA. KAZINFORM –Aýyl sharýashylyǵy mınıstri Aıdarbek Saparov Úkimet otyrysynda eldegi veterınarııalyq stansalardyń tehnıkalyq jaǵdaıy qanshalyqty múshkil ekenin baıandady.

— Aýdandardaǵy 206 veterınarııalyq stansanyń 72-siniń menshikti ǵımaraty joq. Mysaly, Abaı oblysynda 10 aýdan ortalyǵynyń tek úsheýinde ǵana menshikti ǵımarat bar. Osyndaı jaǵdaı Shyǵys Qazaqstan, Atyraý, Aqmola jáne Mańǵystaý oblystarynda da baıqalady, — dedi ol.

Sondaı-aq, mınıstr veterınarııalyq pýnktterdiń jaǵdaıy budan da nashar ekenin aıtty.

— Vetpýnktterde barlyq veterınarııalyq-aldyn alý sharasy ótkiziledi. Olar malǵa ekpe salyp, em jasaıtyn qorshaýlarmen, jabdyqtarmen qamtamasyz etilýge tıis. Alaıda, elimizdegi 2 285 vetpýnkttiń 1 628-i nemese 71%-y qajetti ǵımaratpen qamtamasyz etilmegen, — dedi Aıdarbek Saparov.

Buǵan deıin Qazaqstanda aýyl sharýashylyǵyn tsıfrlandyrý qalaı júrip jatqanyna sholý jasaǵan edik.