AShM 2026 jyly «e-AÓK» tsıfrlyq ekojúıesin qalyptastyrýdy kózdep otyr
ASTANA. KAZINFORM - Aýyl sharýashylyǵy vıtse-mınıstri Ermek Kenjehanuly Úkimettiń qorytyndy baspasóz konferentsııalary sheńberinde agroónerkásiptik keshendi tsıfrlyq transformatsııalaý nátıjeleri týraly aıtty.
Onyń cózinshe, 2025 jyldyń qyrkúıeginde 144 bıznes-protsesti tsıfrlandyrýdy kózdeıtin agroónerkásip kesheni tsıfrlyq transformatsııasynyń jańartylǵan kartasy bekitildi.
Búgingi tańda salada Gosagro.kz, aýyl sharýashylyǵy janýarlaryn sáıkestendirý, «Biryńǵaı avtomattandyrylǵan basqarý júıesi» jáne E-Fish sııaqty aqparattyq júıeler belsendi jumys isteıdi.
Gosagro.kz júıesi memlekettik qoldaý sharalaryn qamtıtyn 200 myńnan astam paıdalanýshyny biriktiredi. Bir jyl ishinde júıe arqyly 188 myńnan astam ótinim berildi. Sonymen qatar aýylsharýashylyq kartalaryn ashyq formatta tsıfrlandyrý aıaqtaldy.
-2025 jyl irgetastyń qalyptasý kezeńi boldy. 2026 jyldyń strategııalyq maqsaty – «E-AÓK» biryńǵaı ekojúıesin qurý. Bul derekter negizinde salany basqarýǵa kóshýge, fermerlerge ákimshilik júktemeni azaıtýǵa jáne jasandy ıntellekt tehnologııalaryn engizýge múmkindik beredi, — dep atap ótti vıtse-mınıstr.
Osyǵan deıin Aıdarbek Saparov aýyl sharýashylyǵy salasynda iske qosylatyn iri jobalardy ataǵan bolatyn.