AShM: 2020 jylǵa qaraı aýyl sharýashylyǵyn qoldaý deńgeıi 4,5 esege artýy tıis
«Reseı rýbliniń devalvatsııasy, sonyń saldarynan kórshiles elderdiń bizdiń naryqqa enýi, DSU-ǵa ený, Eýropa memleketteriniń sanktsııalyq saıasaty - osynyń bári bizden agroónerkásiptik keshendi memlekettik qoldaýǵa pragmatıkalyq qadamdy talap etedi. Sonyń ishinde biz qoldaýdyń tıimdiligin kórýimiz kerek. Bul rette aýyl halqy sanynyń kóptigin, aýyl sharýashylyǵy salasyndaǵy ekonomıkalyq belsendi jurtshylyqty esepke ala otyryp, Qazaqstan úshin memlekettik qoldaýdy saqtap qana qoımaı, ony arttyra túsý qajet», - dedi mınıstr.
Osyǵan baılanysty, Asyljan Mamytbekov Qazaqstan ekonomıkalyq odaqtaǵy áriptes memleketterden aýyl sharýashylyǵyn qoldaý deńgeıinde áldeqaıda artta qalyp otyrǵanyn atap ótti. Eger Qazaqstanda aýyl sharýashylyǵyn memlekettik qoldaý JІÓ-niń úlesinde 4 paıyzdy qurasa, Reseıde - 8 paıyz, Belarýs elinde - 18 paıyz shamasynda bolyp otyr.
«Sondyqtan da, «Agrobıznes - 2020» baǵdarlamasy qabyldanǵan bolatyn. Osyǵan baılanysty aýyl sharýashylyǵyn qoldaý deńgeıi 2020 jyldarǵa qaraı 4,5 esege deıin artýy tıis. Biz bul baǵyttaǵy saıasatty odan ári jalǵastyramyz. Sonyń ishinde aýyl sharýashylyǵyn qoldaý barysynda tıimdilik eń birinshi kezekte bolady. ıAǵnı, sýbsıdııalyq saıasatta tıimdilikti arttyrý kózdeledi: tıimsiz sýbsıdııalar qysqaryp, ol qarajattar sýbsıdııanyń meılinshe tıimdi baǵytyna qaraı bólinedi», - dedi A. Mamytbekov.