Áshimbaev vıtse-mınıstrlikke úmitkerdiń óńirde 2 jyldyq jumys ótili bolý talabyn engizýdi usyndy
«Búgingi tańda kóptegen jas mańyzdy oryndarǵa kóterilýde. Bul durys. Mundaı saıasatty tolyǵymen qoldaımyn. Sonymen qatar búginde ortalyq memlekettik organdarda óńirlik tájirıbesi joq adamdardyń jıi jumys isteıtindigi jasyryn emes. Máselen, ótken jyly ortalyq memlekettik organdar qyzmetshileriniń tek 21 paıyzynda ǵana óńirde tájirıbesi bolǵan. Al onyń ishinde tek 18 paıyzynyń ǵana basshylyq laýazymda jumys tájirıbesi bar ekenin kórip otyrmyz. ıAǵnı, bul adamdar jergilikti jerdegi jumystyń ereksheligin bilmeıdi. Ekinshi jaǵynan qabyldanyp jatqan sheshimder jergilikti jerde oryndalmaýda», - dedi Senat tóraǵasy «Ashyq úkimet jáne basqarýdyń jańa mádenıeti: estý, túsiný jáne áreket etý» halyqaralyq ǵylymı-tájirıbelik konferentsııada.
Osy rette ol ortalyq pen óńirler arasynda memlekettik qyzmetshilerdi júıeli túrde rotatsııalaýdyń mańyzy zor ekenin aıtty .
«Osy jyldyń naýryzynda memlekettik qyzmetshiler týraly zań aıasynda Parlament qyzmetshilerdi rotatsııalaý týraly norma qabyldady. Bul protsesti kúsheıtýdiń quqyqtyq negizderin jasady. Rotatsııa tetigi is júzinde jumys isteýi jáne qyzmetishlerdi negizgi pozıtsııalarǵa ilgeriletý kezinde normaǵa aınalýy mańyzdy. Máselen, mınıstrdiń orynbasary laýazymyna úmitker mamannyń óńirde 2 jyldyq tájirıbesi bolý kerek degen talapty engizýge bolady. Bul ortalyq atqarýshy organdardaǵy negizgi basqarýshylardyń jergilikti jerdegi jaǵdaıdy bilýi úshin óte mańyzdy. Sonymen qatar rotatsııa tetigi tek «ortalyq-óńir» baǵytynda ǵana emes, sonymen qatar óńirler arasynda kóldeń júrgizilgeni jón. Mysaly, «batys-shyǵys» nemese «soltústik-ońtústik», - dedi Máýlen Áshimbaev.
ıAǵnı, onyń atap ótýinshe, soltústiktiń memlekettik qyzmetshileri ońtústikte, batystyń memlekettik qyzmetshileri shyǵysta jumys isteýi qajet. Jáne bul jumys júıeli túrde júrgizilýi tıis.
«Bul eldegi basqarý júıesin ıntegratsııalaý, memlekettik apparattaǵy jershildikti tómendetý úshin qajet. Senat qajettiligine qaraı tıisti zańnamaǵa jańa ózgertýler men tolyqtyrýlardy daıyndaýǵa qatysýǵa daıyn», - dedi Senat spıkeri.
