Áshimbaev: Qazaqstan men AQSh arasynda uzaq merzimdi yntymaqtastyq qalyptasqan
«Ashyǵyn aıtatyn bolsam, saılaýdyń aldyndaǵy aptalarda Hılları Klınton jeńedi dep oılaǵan bolatynmyn. Óıtkeni, buǵan birneshe faktorlar sebep boldy. Ózderińiz de bilesizder, buqaralyq aqparat quraldarynda da Klıntondy qoldaý keńinen boldy, odan basqa bıliktiń qasyndaǵy sarapshylardyń qaýymdastyǵy da qoldaý jasady. Osy baǵytta taǵy da tıisti úrdister baıqaldy. Sondyqtan osy rette tıisti tujyrym jasaǵan edim, biraq ta Donald Tramptyń jeńiske jetkeni AQSh-tyń ishinde biraz úrdisterdiń boı alyp jatqanynyń bir kórsetkishi. Jalpy, Tramptyń saılaýaldy baǵdarlamasynda kóterilgen máselelerdi bilesizder. Bul óz kezeginde AQSh halqy onyń usynyp otyrǵan keıbir bastamalaryn qoldap otyrǵanyn bildiredi»,-dep toqtaldy M. Áshimbaev.
Bul turǵyda depýtat Qazaqstan men AQSh arasyndaǵy qarym-qatynastyń turaqtylyǵyn saqtaıtyn faktorlar bar ekenin, ekonomıka, munaı salasyndaǵy eki eldiń seriktestigi men yntymaqtastyǵy uzaq merzimdi faktorǵa negizdelgenin, sondaı-aq qaýipsizdik salasyndaǵy lańkestikke qarsy kúreste de eki eldiń maqsattaryna saı keletin uzaq merzimdi yntymaqtastyq qalyptasqanyn atap ótti.
«Sondyqtan bul yntymaqtastyq ary qaraı da jalǵasa beretini sózsiz. Budan bólek, aıta ketetin taǵy bir máselege toqtalatyn bolsaq, saılaý nátıjesi negizinde AQSh pen Reseı arasyndaǵy qarym-qatynas durystalýy múmkin. Bul baǵytta tıisti qadamdar iske asyrylatyny anyq. Osy oraıda bul bizdiń múddemizden shyǵady, sebebi atalǵan eki el de bizdiń seriktester»,-dedi ol.
Budan buryn habarlanǵandaı, AQSh-taǵy prezıdent saılaýynyń nátıjeleri belgili boldy. (Respýblıkalyq partııa atynan kandıdat bolǵan Donald Tramp qajetti saılaýshylar daýysyn jınady.
