Ashyqtyq pen tıimdilik: dárilik qamtamasyz etý salasyndaǵy derbestik ári tańbalaýda qandaı jańashyldyq bar
ASTANA. KAZINFORM – Densaýlyq saqtaý mınıstrligi qoljetimdilikti, ashyqtyqty jáne tıimdilikti arttyrýǵa baǵyttalǵan dári-dármekpen qamtamasyz etý júıesin reformalaýdy jalǵastyra beredi. Bul týraly vedomstvonyń baspasóz qyzmeti málim etti.
2025 jylǵy 1 shildeden bastap Astanada birlesken tólem tetiginen ambýlatorııalyq dári-dármekpen qamtamasyz etýdi ortalyqsyzdandyrý boıynsha pılottyq joba bastalady.
2025 jylǵy 1 qańtardan bastap medıtsınalyq uıymdar dári-dármekter men medıtsınalyq buıymdardy QR Qarjy mınıstrliginiń elektrondyq qarjy ortalyǵynyń veb-portaly arqyly satyp ala alady, bul ashyqtyq pen shyǵyndardy baqylaýdy qamtamasyz etedi.
Statsıonarlardaǵy ózgerister:
2024 jyly klınıkalyq farmakologııa jáne gospıtaldyq farmatsııa (GFB) 78 bólimshesi ashyldy. 2025 jyly taǵy 150 GFB ornalastyrý josparlanǵan, al 2026 jylǵa qaraı mundaı bólimsheler barlyq medıtsınalyq uıymdarda paıda bolýy tıis.
Olardyń mindeti – emdeýdiń qaýipsizdigi men tıimdiligin arttyratyn dári-dármekterdi jeke esepke alý jáne utymdy paıdalaný.
Baǵany tómendetý jáne dári-dármekterdi baqylaý:
- Marketıng jáne kólik shyǵystary alynyp tastaldy,
- Biryńǵaı regressıvti ústeme shkalasy engizildi,
- Generıkterdiń shekti baǵasy 30%-ǵa tómendedi,
- Salyq qyzmetimen ıntegratsııa arqyly baǵany baqylaýdy kúsheıtedi.
Dári-dármekterdi tańbalaý jáne kontrafaktige qarsy kúres:
2024 jylǵy 1 shildeden bastap dári-dármekterdi mindetti túrde tańbalaý engizildi, bul olardyń qozǵalysyn baqylaýǵa jáne baǵalardy onlaın baqylaýǵa múmkindik beredi.
Ambýlatorııalyq dári-dármekpen qamtamasyz etý «áleýmettik ámııan» arqyly: 3,5 mln elektrondyq retsepttiń negizinde patsıentterge dári-dármekter berildi
Memleket basshysynyń tapsyrmasy boıynsha 2024 jyly QR-kodtary bar «áleýmettik ámııan» servısi arqyly dári-dármek berý boıynsha pılottyq joba iske qosyldy.
Mınıstrlik dári-dármekpen qamtamasyz etý júıesin jaqsartý boıynsha jumysty jalǵastyryp, ony qoljetimdi ári ashyq etedi.
Eske sala keteıik, buǵan deıin dári-dármekter men medıtsına buıymdarynyń baǵasy tómendeýi múmkin ekenin jazǵan bolatynbyz.