Ashyq sýda júzý: Qazaqstan quramasynyń jaǵajaı Azıadasyndaǵy nátıjeci
ASTANA. KAZINFORM – Qytaıdyń Sanıa qalasynda ótip jatqan 2026 jylǵy jaǵajaıdaǵy Azııa oıyndarynda áıelder arasynda 5 shaqyrymdyq qashyqtyqqa júzýden fınaldyq jarys ótti.
Bul synda Qazaqstan quramasynyń namysyn Marııa Fedotova men Darıa Pýshko qorǵady.
QR UOK málimetinshe, komanda ishindegi eń úzdik nátıjeni Marııa Fedotova kórsetti. Ol qashyqtyqty 1:04:15.4 ýaqytta baǵyndyryp, altynshy orynǵa turaqtady. Al Darıa Pýshko 1:06:43.9 ýaqyt nátıjesimen onynshy orynda márege jetti.
Altyn medaldi qytaılyq Sın Sıýan Lı jeńip aldy - 1:01:33.6. Kúmis júlde onyń otandasy Itszın Chenge buıyrdy - 1:01:43.2. Úzdik úshtikti vetnamdyq Ten Maı Thı Vo túıindedi - 1:01:57.7.
Aıta keteıik, jarysqa barlyǵy 17 sportshy qatysty.
Qazaqstan áıelder quramasy sý dobynan Qytaıdyń Sanıa qalasynda ótip jatqan 2026 jylǵy jaǵajaıdaǵy Azııa oıyndarynda kúmis júlde aldy.
Qazaqstan áıelder quramasynyń jaǵajaı voleıbolshylary Ekaterına Rıýhova men Krıstına Karımova Qytaıdyń Sanıa qalasynda ótip jatqan 2026 jylǵy jaǵajaıdaǵy Azııa oıyndarynda kezekti jeńisine qol jetkizdi.
