Ashyq NQA nege qujattardyń tolyq mazmunyn salmaı jatyr – Ádilet mınıstrligi túsindirdi

ASTANA. KAZINFORM – Ádilet mınıstrliginiń baspasóz qyzmeti  Kazinform redaktsııasyna «Ashyq normatıvtik-quqyqtyq aktiler» portalyna shyǵarylǵan keı qujattardyń mazmuny nege burynǵydaı tolyq jarııalanbaı jatqanyn túsindirdi.

- Portaldyń sońǵy tehnıkalyq pysyqtaýlaryna sáıkes, NQA jobalaryn jarııa talqylaý protsesin ońtaılandyrý maqsatynda NQA zańǵa táýeldi jobalaryn ornalastyrý formaty ózgertildi. Atap aıtqanda, halyqqa yńǵaıly bolý úshin portalda tanysý úshin qoljetimdi nysanda NQA jobasynyń negizgi mazmuny ornalastyrylatyn bolady, - dep jazylǵan resmı málimette.

Mundaı jańashyldyqtyń zań jobalary men retteýshilik saıasattyń konsýltatıvtik qujattaryna qatysy joq.

- Zań jobalary men RSKQ (Retteýshilik saıasattyń konsýltatıvtik qujaty) boıynsha burynǵy tártip saqtalady. Engizilgen pysyqtaýlar ýaqytsha sıpatty bildirmeıdi, - dep jazylǵan mınıstrliktiń túsindirmesinde.

Eske salsaq, ótken aptada Egov-ta bir JSN boıynsha tirkelgen uıaly telefon nómirleriniń sanyn tekserýge arnalǵan jańa qyzmet qosylǵan bolatyn.