Ashyq esik kúnderi: 3 kúnde 68 adamda ókpe obyry kúdigi bary anyqtaldy

ASTANA. KAZINFORM - Ókpe obyrynyń profılaktıkasyna jáne erte anyqtaýǵa arnalǵan Ashyq esik kúnderinde 2 897 naýqas dárigerlerdiń konsýltatsııasyn aldy, dep habarlaıdy QR DSM baspasóz qyzmeti. 

Shyǵys Qazaqstan oblysynda 1209 adam ókpesin tekserýge keldi. Ekinshi orynda — Aqmola oblysynyń turǵyndary, onda onkologııa ortalyǵyna 389 adam júgindi; úshinshi orynda - Qyzylorda oblysy, onda 373 turǵynǵa konsýltatsııalyq kómek kórsetildi.

Barlyq tekserilgenderdiń 68-inde obyraýrýyna kúdik bary anyqtaldy, 83-inde obyrǵa deıingi jaǵdaılar anyqtaldy.

Dıagnozdy túpkilikti rastaý nemese joqqa shyǵarý úshin patsıentter odan ári tereńirek dıagnostıkaǵa jiberiledi.

Sondaı-aq, konsýltatsııalar barysynda 712 basqa aýrý anyqtaldy. Barlyǵy 836 túrli zertteýler men taldaýlar júrgizildi (KT, ýltradybystyq, bıopsııa jáne basqalar).

Ókpe obyry - Qazaqstandaǵy eń kóp taralǵan onkologııalyq aýrýlardyń biri. Jyl saıyn shamamen 3500 jańa jaǵdaı anyqtalady. Bul aýrýdyń negizgi sebebi temeki shegý bolyp tabylady, bul barlyq jaǵdaılardyń shamamen 90% -yn quraıdy.

Qazaqstandyq onkologtar 45 pen 69 jas aralyǵyndaǵy temeki shegýshilerge jyl saıyn ókpeniń tómen dozaly kompıýterlik tomografııasyn (TDKT) tapsyrýdy usynady. Bul ádis obyr aýrýyn erte satysynda anyqtaýǵa múmkindik beredi, bul sátti emdeý jáne qalpyna keltirý múmkindigin aıtarlyqtaı arttyrady.

Ashyq esik kúnderi 1-3 tamyz aralyǵynda Qazaqstannyń memlekettik onkologııalyq uıymdarynda ótti. Іs-shara Dúnıejúzilik ókpe obyryna qarsy kúres kúnine oraılastyrylǵanyn esterińizge sala keteıik.