Ashyq esik kúni: Astanada ortopedter men travmatologtar balalardy tegin qabyldaıdy

ASTANA. KAZINFORM — Astanada 26 mamyr kúni ortopedter men travmatologtar balalardy tegin tekseredi. Bul týraly №2 kópbeıindi qalalyq balalar aýrýhanasy jazdy. 

– «Dáriger – balalardyń janashyry» respýblıkalyq aktsııasy aıasynda ortoped jáne travmatolog dárigerlerdiń ashyq esik kúnine barlyq balalar men ata-analardy shaqyramyz, – dep jazdy aýrýhananyń baspasóz qyzmeti. 

Ashyq esik kúni Astana qalasynda  26 mamyr kúni saǵat 14:00-den 16:00-ge deıin Raqymjan Qoshqarbaev kóshesi, 64-úı meken-jaıynda oryn tepken №2 kópbeıindi qalalyq balalar aýrýhanasynda ótedi. 

Bul shara balalardyń tirek-qımyl júıesi aýrýlarynyń aldyn alý jáne ortopedııalyq, travmatologııalyq buzylystardy erte anyqtaý maqsatynda uıymdastyrylyp otyr. Mamandardyń aıtýynsha, qazirgi kezde balalar arasynda durys emes qalyp (osanka), maıtaban, omyrtqanyń qısaıýy sondaı-aq turmystyq jáne sporttyq jaraqattardyń saldary jıi kezdesip jatyr. Kóptegen aýrýlar erte kezeńde anyqtalsa, túzetýge bolady.

Іs-sharaǵa qatysý tegin, alaıda aldyn ala onlaın tirkelý qajet.

Saıt arqyly tirkelýge bolady. 

Eske sala keteıik, buǵan deıin Almatyda 1200-den astam oqýshynyń omyrtqasy qısaıǵanyn jazǵan edik.