Ashhabadtaǵy stadıonda el prezıdentin 7 saǵat kútken - 3 adam qaza taýyp, 50-den astamy esterinen tandy
ASTANA. QazAqparat - Túrkimenstan prezıdenti Gýrbangýly Berdimuhamedovty Ashhabadtaǵy «Kopetdag» stadıonynyń ashylý rásimine kútýi kezinde arasynda bir bala bolǵan úsh adam qaza tapty, dep habarlaıdy REGNUM aqparattyq agenttigine silteme jasaǵan KırTAG.
«Memleket basshysy taıaýda jańǵyrtylǵan bul nysanǵa saǵat 08:00 shamasynda kelýi tıis edi, sondyqtan adamdardy stadıonǵa saǵat 05:00-ge kelýge májbúrlegen. Biraq túrkimen kóshbasshysy saltanatqa tek 11:45-te ǵana jetti», - delingen jarııalanymda.
Keıinnen G.Berdimuhamedovtyń áýeli basqa nysandardy qarap shyǵýdy sheshkeni belgili bolǵan, al arasynda 4-15 jas aralyǵyndaǵy balalar men 70 jastaǵy qarttar bolǵan adamdar ony otyrmastan 7 saǵatqa jýyq ýaqyt kútken.
«Osy 7 saǵattyń ishinde 50-ge jýyq adam esterinen tanǵan. Olarǵa sol jerde kómek kórsetilgen. Kúndizgi saǵat 1-ge deıin 3-4 shaqyrym radıýsyndaǵy barlyq kósheler jabylǵan. Sonyń arasynda medıtsınalyq mekemelerge de aparatyn joldar jabyq boldy. Sondyqtan kómekke muqtaj bolǵan jandar da, medıtsınalyq qyzmetkerler de olarǵa jete almady», - dep jazady aqparattyq agenttik.
