Ashhabadta Túrkimenstan prezıdentin ulyqtaý rásimi ótip jatyr
ASTANA. QazAqparat - Ashhabadta Túrkimenstan prezıdenti Gýrbangýly Berdimuhamedovti ulyqtaý rásimi bastaldy, dep habarlady RIA Novostı.
Túrkimenstannyń qazirgi basshysy Berdimuhamedov ótken jeksenbide 97,69% daýyspen el prezıdenti saılaýynda jeńiske jetti. Bul onyń úshinshi prezıdenttik merzimi. 2016 jyly qabydanǵan jańa Konstıtýtsııaǵa sáıkes, ol bul laýazymda jeti jyl bolady. Buǵan deıin Túrkimenstan prezıdenti bes jylǵa saılanyp keldi.
Inaýgýratsııadan keıin Berdimuhamedovtiń Túrkimenstan halqyna arnap sóz sóıleýi jáne úkimettiń otstavkasyn qabyldaýy kútiledi.
Eldiń zańyna sáıkes, saılanǵan prezıdent ulyqtaý rásiminen keıin bir aı ishinde jańa mınıstrler kabınetin jasaqtaýy tıis.
Berdimuhamedov 59 jasta. Dıplomy boıynsha - medık, medıtsına ǵylymdarynyń doktory, ekonomıka ǵylymdarynyń doktory ǵylymı dárejelerine ıe, Túrkimenstan Ǵylym akademııasynyń akademıgi. Bos ýaqytynda sportpen aınalysyp, atpen júredi. Birqatar ǵylymı, ádebı kitaptardyń avtory. Orys, nemis tilderin biledi. Úılengen, uly, eki qyzy bar.
