Ashhabadta qazaq mádenıetine arnalǵan fotokórme ashyldy
ASTANA. KAZINFORM — Túrikmenstannyń Ashhabad qalasyndaǵy Uly Saparmurat Túrikmenbashy atyndaǵy Beıneleý óneri mýzeıinde «Ǵasyrlar qoınaýynan: fotosýretterdegi qazaq mádenıeti» atty halyqaralyq fotokórme ashyldy.
Іs-sharaǵa Ashhabad qalasyndaǵy mýzeılerdiń basshylary, BUU men EQYU ókilderi, dıplomatııalyq korpýs músheleri, buqaralyq aqparat quraldarynyń ókilderi, qala turǵyndary men qonaqtary qatysty.
Kórmeniń negizgi maqsaty – Túrikmenstan jurtshylyǵyna XIX ǵasyrdyń sońy men XX ǵasyrdyń basyndaǵy qazaq halqynyń tarıhy men mádenıetin tanystyrý jáne mýzeı qorlarynda saqtalǵan biregeı fotosýretterdi kópshilikke usyný.
Kórmege etnografııalyq sıpattaǵy 31 fotosýret qoıyldy. Fotosýretterde qazaq halqynyń turmysy, qolóneri, kásibinen bastap, ulttyq kıimderi, áshekeı buıymdary, baspanasy, kúndelikti qoldanatyn zattary men dástúrli qarý-jaraqtary beınelengen.
Fotokórme 2026 jylǵy 28 qazanǵa deıin jalǵasady.
