Ashhabad oqýshylary men stýdentteri Azıadaǵa baılanysty demalysqa jiberiledi

ASTANA. QazAqparat - 31 tamyz kúngi Mınıstrler kabınetindegi otyrysta Túrikmenstan prezıdenti Gýrbangýly Berdymýhamedov jańa qaýlyǵa qol qoıdy.

Atalǵan qujatqa sáıkes, «18-28 qyrkúıek aralyǵyndaǵy Azıada ótkizilýi kezinde Ashhabadta ornalasqan mektepter, bastaýysh, orta jáne joǵary kásibı oqý oryndarynyń oqýshylary men stýdentteri jospardan tys demalysqa jiberiledi». Bul týraly TDH memlekettik aqparat agenttigi habarlady.

Prezıdent sondaı-aq, «barlyq oqıtyn sportshylardyń Azıada oıyndaryna daıyndalýy úshin bir aıǵa oqýdan bosatylýyn» buıyrdy.