Ashhabad-2017: Qazaqstan altyn medaldar sany jaǵynan ózbektermen teńesti
ASTANA. QazAqparat - Túrikmenstan astanasy Ashhabad qalasynda jaýyngerlik óner túrleri boıynsha jabyq ǵımaratta ótip jatqan V Azııa oıyndarynda Qazaqstan sportshylary altyn medaldar sany jaǵynan ózbektermen teńesti, dep habarlaıdy QazAqparat tilshisi.
Dál qazirgi kórsetkish boıynsha Ózbekstan sportshylarynyń qorjynynda 23 altyn, 30 kúmis, 64 qola medal bolsa, qazaq sportshylarynda 23 altyn, 24 kúmis, 32 qola medal bar. Ózbek sportshylary tek kúmis pen qola medaldar sany jaǵynan otandastarymyzdan jalpykomandalyq esepte bir saty joǵary tórtinshi orynda keledi.
Al kósh basynda Túrikmenstan sportshylary tur. Olar jalpy medaldar sanyn 231-ge jetkizdi. Onyń 85-i altyn, 65-i kúmis, 81-i qola medal. Ekinshi oryndy eki kúnnen beri Qytaı sportshylary ýysynda ustap keledi. Olardyń enshisinde 35 altyn, 24 kúmis, 22 qola, jalpy 81 medalǵa qol jetkizdi. Úshinshi orynǵa 26 altyn, 18 kúmis, 59 jalpy 103 medal ıelengen Iran quramasy taban tiredi.
Aıta keteıik, atalmysh baıraqty doda erteń, ıaǵnı 27 qyrkúıek kúni óz máresine jetedi. Bul dodada el namysyn qorǵaýǵa Qazaqstannyń 150 sportshysy attanǵan bolatyn. Olar jarystyń 17 túrinen synǵa túsýde.
