Ashhabad-2017: El qorjyny 4 qola medalmen tolyqty
ASTANA.QazAqparat - Túrikmenstan astanasy Ashhabad qalasynda ótip jatqan jaýyngerlik óner túrleri boıynsha jabyq ǵımaratta ótetin V Azııa oıyndarynyń besinshi jarys kúni ótip jatyr, dep habarlaıdy QazAqparat.
Qazaqstan namysyn qorǵap jatqan sportshylarymyz búgin 4 qola medal alyp úlgerdi. Erler arasyndaǵy belbeý kúresinen klassıkalyq stılde beldesýde Ersultan Muzapparov (90 kg) jáne Bekbol Nurlanuly (100 kg) jartylaı fınalda ózbek balýandaryna ese jiberip, qola medal ıegeri atandy.
Aıta keterligi, Ersultan Muzapparov keshegi erkin stıldegi beldesýde el qorjynyna kúmis medal salǵan bolatyn.
Mýaı-taıdan baq synaǵan otandastarymyz Erqanat Ospan 60 kg salmaqta jartylaı fınalda taılandtyq Pravıt Chılanakqa (27:30), 54 kg salmaqta Aıtýar Shákenov Mánýchehr Nematovqa (12:14) esebimen jeńilip, qola medaldy qanjyǵalady.
Aıta keteıik, el sportshylary búgingi jarys jolynda belbeý kúresi, Mýaı-taı, Velosport jáne aýyr atletıkadan baq synap jatyr.
