Ashǵabadtaǵy sýburqaq kesheni Gınnestiń Rekordtar kitabyna engizildi
AShǴABAD. Qyrkúıektiń 1-i. QazAqparat - Ashǵabadtaǵy «Oǵyzhan jáne onyń uldary» sýburqaq kesheni álemdegi eń úlken sýburqaq retinde Gınnestiń Rekordtar kitabyna engizildi.
Bul týraly ITAR-TASS agenttigi habarlady.
Kún qýatymen jumys isteıtin 27 túrli-tústi sýburqaqtan turatyn keshenniń jalpy aýdany 14,82 gektardy quraıdy. Sáýlet-músindik ansambldiń ortasynda túrikmen ultynyń negizin qalaýshy Oǵyzhan men onyń alty ulynyń eskertkishi ornalasqan. Olar Ashǵabad qonaqtaryn Halyqaralyq áýejaıdan qala ortalyǵyna baratyn joldyń boıynda «qarsy alyp» tur.
Alǵash ret Túrikmenstan Gınnestiń Rekordtar kitabyna 2001 jyly qoldan toqylǵan aýdany 301 sharshy metr (bıiktigi 14 metr, eni - 21,5 metr) jáne salmaǵy 1200 keli álemdegi eń úlken kilemmen engen bolatyn.
