Ashǵabadta Túrikmenbasynyń altyndatylǵan eskertkishi tuǵyrynan alyndy
ASTANA. Tamyzdyń 27-si. QazAqparat - Ashǵabadta eldiń burynǵy Prezıdenti Saparmurat Nııazovtyń altyn jalatylǵan jáne aınalyp turatyn 12 metrlik eskertkishi ornatylǵan Beıtaraptylyq arkasyn buzý aıaqtaldy, dep habarlady VVS agenttigi.
Beıtaraptylyk arkasy prezıdent Nııazovty ǵasyrlar boıy madaqtaýdy maqsat etken jańa sáýlet nysanynyń ortalyq elementi retinde qurylǵan bolatyn.
Túrkimenbasynyń músini ornatylǵan 70 metrlik arkany demontajdaý jumysy eki aıǵa sozyldy. Jumysty túriktiń Polimeks kompanııasy júrgizdi, Ashǵabadtyń basqa aýdanynda osy arkanyń balamasy - Beıtaraptylyq monýmentin turǵyzý isi de osy kompanııaǵa júktelgen.
Beıtaraptylyq arkasyn buzý jáne jańa monýment turǵyzý ıdeıasyn eldiń qazirgi prezıdenti Qurbanquly Berdimuhamedov usynǵan bolatyn.
Túrikmen basshysynyń ókimine sáıkes, jańa sáýlet nysanynda Túrikmenbasynyń músini qarastyrylmaǵan. Sáýletshilerdiń jobasy boıynsha, 95 metrlik Beıtaraptylyq monýmenti bes túrikmen taıpasynyń oıý-órnekterimen jáne Eltańbamen jáne el jalaýymen bezendiriledi.
