Ashat Jumaǵalı Transparency International jaıly: 39 ball — tarıhtaǵy úzdik pozıtsııa
ASTANA. KAZINFORM — Sybaılas jemqorlyqqa qarsy is-qımyl agenttiginiń tóraǵasy Ashat Jumaǵalı Jibek Joly telearnasynyń «Ýáde» baǵdarlamasyna bergen eksklıýzıvti suhbatynda Antıkor qyzmetiniń basty ólshemsharttaryn atady.
Transparency International jemqorlyqty qabyldaý ındeksine sáıkes, Qazaqstan 2023 jyly 100 balldyń 39-yn jınap, dárejesin 8 pozıtsııaǵa jaqsartty jáne 101-orynnan 93-orynǵa kóterildi. Al ótken jylǵa arnalǵan aqparatqa qaraǵanda, elimiz 88-orynǵa turaqtady. ıAǵnı, Qazaqstan Ortalyq Azııa óńiriniń elderi arasynda eń joǵary orynda tur.
— Árıne, halyqaralyq reıtıngter boıynsha belgili bir oń ilgerileýshilik bizdiń durys baǵytta qozǵalyp kele jatqanymyzdy bildiredi dep esepteımin. Jemqorlyqty qabyldaý ındeksi boıynsha elimiz jınaǵan 39 ball — bul tarıhtaǵy eń úzdik pozıtsııa, — dep atap ótedi Antıkor basshysy.
Sonymen qatar, ol vedomstvo jumysynyń negizgi baǵyttaryn da belgilep ótti. Aıta keterligi, ótken jyly elimizdiń Antıkor organy 1 641 jemqorlyq qylmysyn anyqtap, 1 493 adamdy áshkereledi. Onyń ishinde 914 adamǵa qazirdiń ózinde sot úkimi shyǵaryldy.
— Qyzmetimizdiń eń basty ólshemsharty — bul syrtqy pishini boıynsha tek kórsetkishter, ıaǵnı halyqaralyq agenttikter túzetin reıtıngter ǵana emes, qoǵamdaǵy jemqorlyqty joıý jáne azamattardyń ál-aýqatyn jaqsartý, — dedi Antıkor basshysy.
Ashat Jumaǵalı atap ótkendeı, halyqaralyq reıtıngterdegi oń dınamıka — bul durys baǵdar kórsetkishi. Biraq, eń bastysy — azamattardyń ómirin shynaıy ózgertý.
Buǵan deıin Antıkor basshysy elimizdegi tsıfrlyq «boıalǵan» aqsha jobasynyń alǵashqy nátıjesi jaıly aıtyp bergenin jazǵan edik.
Sonymen qatar, ol memlekettik qyzmetshiler tekserýshi organdardan qorqatyndyqtan sheshim qabyldaý barysynda jıi qaýiptenetinin aıtty.