Ashat Jitkeev halyqaralyq dárejedegi tóreshi ataǵyn aldy
ASTANA. QazAqparat – Beıjiń Olımpıadasynyń kúmis júldegeri, Qazaqstan dzıýdo federatsııasynyń bas hatshysy Ashat Jitkeev halyqaralyq dárejedegi tóreshi ataǵyn aldy, dep habarlaıdy QazAqparat tilshisi.
Qazaqstan dzıýdo federatsııasynyń baspasóz qyzmetinen málim etkenindeı, 4-9 sáýir kúnderi Almaty tórinde dzıýdodan IJF mamandarynyń qatysýymen qurlyqtyq jáne halyqaralyq dárejedegi tóreshilerge arnalǵan semınar-emtıhan ótti.
18 elden jınalǵan mamandar bilimderin jetildirip, Halyqaralyq dzıýdo federatsııasynyń sertıfıkattarymen marapattaldy.
Qazaqstan dzıýdo federatsııasynyń bas hatshysy Ashat Jitkeev birneshe kezeńnen turǵan emtıhannan súrinbeı ótip, IJF Continental – qurlyqtyq dárejedegi tóreshi ataǵyn aldy. Bul sanattaǵy tóreshiler qurlyqtyq dodalarda, ıaǵnı Azııa oıyndary, Azııa kýbogi jáne Azııa chempıonaty jarystarynda tórelik etý quqyǵyna ıe.
Bul dárejege qol jetkizgen qazaqstandyqtardyń qatarynda Nıkolaı Ivanov pen IJF International – halyqaralyq tóreshi ataǵyn alǵan Samat Sapıshev te bar.
Eske sala keteıik, budan buryn Azııa kýboginiń alǵashqy kúninde Qazaqstan dzıýdoshylarynyń 5 altyn medal jeńip alǵanyn jazǵan bolatynbyz.
Sondaı-aq Qazaqstan jasóspirimder quramasy dzıýdodan Azııa kýboginde kósh bastady.
Qazaqstan dzıýdodan Azııa kýboginde birinshi orynǵa ıe boldy.
