Ashat Jitkeev Dzıýdodan Qazaqstan ulttyq quramasynyń bas jattyqtyrýshysy bolyp taǵaıyndaldy
ASTANA. 27 jeltoqsan. QazAqparat - Qazaqstan Respýblıkasynyń Týrızm jáne sport mınıstrliginde 27 jeltoqsan kúni QR Týrızm jáne sport mınıstri Temirhan Dosmuhambetovtyń tóraǵalyǵymen Gýanchjoýda ótken XVI jazǵy Azııa oıyndarynda dzıýdo boıynsha ulttyq qurama komandanyń óner kórsetýiniń qorytyndysy jónindegi keńes ótti.
QR Týrızm jáne sport mınıstrliginiń baspasóz qyzmeti habarlaǵandaı, keńes barysynda Gýanchjoýda ótken XVI jazǵy Azııa oıyndarynda Dzıýdodan Qazaqstan ulttyq qurama komandasynyń óner kórsetýi boıynsha esepter tyńdalyp, máseleler talqyǵa salyndy, kemshilikteri talqyǵa tústi.
Mınıstr Gýanchjoýda ótken Azııa oıyndarynda ketken kemshilikterdi joıý úshin tıisti tapsyrmalar berdi.
Keńes barysynda Ashat Jitkeevtiń Dzıýdodan Qazaqstan ulttyq qurama komandanyń bas jattyqtyrýshysy bolyp taǵaıyndalǵany málim boldy. Al Erbol Qyrǵyzbaev Dzıýdodan Qazaqstannyń áıelder quramasynyń bas jattyqtyrýshysy bolyp taǵaıyndaldy.
