Ashat Ýálıhanov Gollıvýdta amerıkalyq boksshyny eseńgiretti

ASTANA. QazAqparat -Qazaqstandyq boksshy Ashat Ýálıhanov (2-1, 2 KO) Gollıvýdtaǵy (Kalıfornııa shtaty, AQSh) Florentine Gardens oıyn-saýyq kesheninde ótken boks keshi aıasynda jekpe-jekke shyqty, dep habarlaıdy Sports.kz.

Tórt raýndqa eseptelgen aıqasta jerlesimiz amerıkalyq Darel Harrıstan (1-2-1, 1 KO) basym tústi. Kezdesý sońynda tóreshiler jeńisti biraýyzdan qazaqstandyq boksshyǵa berýdi uıǵarǵan. Osylaısha, Ýálıhanov kásipqoı bokstaǵy úshinshi jeńisin arqalap qaıtsa, qarsylasy D. Harrıs kerisinshe úshinshi ret súringen.

Eske salaıyq, Ashat ótken jyldyń sáýir aıynan beri rıngke shyqqan joq. Ol kezde qazaqstandyq boksshy amerıkalyq Erık Faýlerdi ekinshi raýndta nokaýtqa túsirgen bolatyn. Oǵan deıin nıkaragýalyq Karlos Agılerany (12-50, 5 KO) jeńip shyqsa, artynan meksıkalyq Danıel Bastenadan (4-9, 1 KO)  utylyp, bokstan ýaqytsha shettetilgen edi.