Ashat Taǵybergenniń Danııa qaqpasyna soqqan goly Eýropa chempıonatynda úzdik boldy

Fýtboldan Qazaqstan quramasynyń jartylaı qorǵaýshysy Ashat Taǵybergenniń Danııa qaqpasyna soqqan goly 2024 jylǵy Eýropa chempıonatynyń irikteý satysyndaǵy úzdik atandy, dep habarlaıdy Kazinform.

Ulttyq qurama kapıtany Ashat Taǵybergen 26 naýryz kúni 86-mınýtta Kasper Shmeıheldiń qaqpasyna gol soqqan edi. Sol oıynda bizdiń qurama 3:2 esebimen jeńiske jetti.

ÝEFA-nyń tehnıkalyq qadaǵalaýshy mamandary qurlyqtyq dodanyń irikteý satysyndaǵy úzdik on goldy anyqtaǵan edi.

Odan keıin jankúıerlerdiń daýys berýine múmkindik jasaldy.

ÝEFA-nyń tehnıkalyq qadaǵalaýshy mamandary Ashat Taǵybergenniń alystan soqqan golyn segizinshi orynǵa laıyqty dep sanaǵan edi. Al jankúıerler arasynda ol birinshi orynǵa shyqty.

Ekinshi jáne úshinshi oryndarǵa Albanııa quramasynyń oıynshylary ıAsır Asanı men Krıstıan Aslanıdiń soqqan goldary laıyqty dep baǵalandy.