Ashat Taǵybergen resmı túrde «Tobyl» komandasyna aýysty

ASTANA. KAZINFORM - Fýtboldan Qazaqstan quramasynyń kapıtany Ashat Taǵybergen resmı túrde qostanaılyq «Tobyl» komandasyna aýysty.

Bul jóninde qostanaılyq klýbtyń bas bapkeri Nurbol Jumasqalıev óz pikirin bildirdi.

— Ashatty tanystyrýdyń qajeti joq. Ol — Qazaqstan quramasynyń kóshbasshysy, naǵyz kásibı tulǵa. Onyń tájirıbesi men sheberligi komandamyzǵa úlken kómek tıgizerine senimdimiz. Onyń ústine, Ashat buǵan deıin de «Tobylda» oınaǵan, jeńis rýhyn jaqsy biledi, — dedi ol.

Aıta ketsek, Ashat Taǵybergen «Tobyl» komandasyna úshinshi ret kelip otyr. Ol buǵan deıin 2017, 2021-2022 jyldarda oıyn kórsetti. Qostanaılyq klýbpen birge Qazaqstan chempıonatyn jeńip, Sýperkýboktyń eki dúrkin ıegeri atandy.

Qyzylorda fýtbolynyń túlegi «Qaısar», «Aqtóbe», «Astana», «Ordabasy» klýbtarynda oınady.

Eske salsaq, budan buryn fýtzaldan Qazaqstannyń 19 jasqa deıingi jastar quramasy 2025 jylǵy Eýropa chempıonatynyń irikteý kezeńindegi eki oıyn qatarynan jeńilip qaldy.